SALEM SCOOBY

முன்னாள் மாணவர் தினம் 26.01.2012

2012-01-23T22:34:00.002+05:30

சேலம் பாரதி வித்யாலயா மேனிலைப்பள்ளி முன்னாள்மாணவராகிய நாம் ஒரு வருஷமாக ஆவலுடன் எதிர்பார்த்திருந்த நினைத்துப் பார்க்கிறேன்என்ற நாள் வந்தே விட்டது வரும் 26.01.2012 ல்

வழக்கம்போல் ஒன்றுசேர்ந்து நிகழ்ச்சியில் தவறாமல் கலந்து கொண்டு தங்கள் கருத்தினை பதிவு செய்து நமதுசந்தோஷத்தை வெளிபடுத்த அனைவரும் வாரீர் என்று அன்புபடன் அழைக்கும்

SUNDARA MURTHY-9952288177

தனித்தன்மை வாய்ந்த அடையாள எண்

2011-06-11T16:53:00.007+05:30

AADHAAR அடையாள எண் வாங்கி விட்டீர்களா?இல்லையெனில் உடனே வாங்கவும் விபரம் கீழே:ஏனென்றால் நான் கோடியில் ஒருவன்.நீங்கள் ?

இந்திய அரசு அளிக்கும் இந்திய தனித்தன்மை அடையாள அதிகார அமைப்பு எண்AADHAAR அடையாள எண் வாங்கி விட்டீர்களா?இல்லையெனில் உடனே வாங்கவும் விபரம் கீழே:ஏனென்றால் நான் கோடியில் ஒருவன்.நீங்கள் ?

இதுவரை ஒரு கோடிக்கு மேலானவர்கள் பதிவு செய்து பயன் பெற்றுள்ளனர் தாங்களும் இதில் ஒருவரா இல்லையென்றால் உடனடியாக பதிவு செய்யவும்.அடையாள எண் பெற்றவர்களில் இதுவரை குறிப்பிடத்தக்கவர்கள் 13 நாள் குழந்தை முதல் 103 வயது கடந்த இளைய முதியவர் வரை அடக்கம்.

ஆதார் எண்பது 12 இலக்கம் கொண்ட தனித்தன்மை வாய்ந்த அடையாள எண் .இது இந்தியாவில் வசிக்கும் அணைத்து தனி நபர்களுக்கும் கிடைக்கும்.இதன் மூலம் நபரின் அடையாளம் இருப்பிடம் இருப்பதால் இந்தியாவின் எந்த மூலைக்கு சென்றாலும் நமக்கும் பாதுகாப்பு.

வங்கியில் கணக்கு ஆரம்பித்து சேமிக்க மத்திய மாநில அரசுகள் அளிக்கும் உதவித்தொகை ATM கார்டு மூலம் நடுவில் இடைத்தரகர் இல்லாமல் தொகை பெற, இன்ஸ்யூரன்ஸ் தொகை செலுத்த, பெற, பென்ஷன் தொகை பெற, மற்றும் அனைத்துவிதமான மத்திய மாநில அரசுகளின் சலுகைகளை பெற உதவிகரமாக இருக்கும். மற்றவர்களுக்கு இருப்பிட சான்றிதழ்-அடையாள சான்றிதழ்-போட்டோ ஒட்டிய அடையாள சான்றிதழ் என்று அதிக ஆவணங்கள் இல்லாமல் இது ஒன்றே போதுமானது பல அடையாள அட்டை வைத்துக் கொள்வதை தவிர்க்கலாம்

இந்திய அரசின் அதிகாரபூர்வமான இருப்பிட அடையாள எண் கொண்டது இது ஒன்று தான் தற்போது KYC Know your customer க்கு மாற்றாக KYR know your resident என்று அழைக்கப்படும் இந்த எண் மூலம் நமது மாநிலம் தவிர அனைத்து மாநிலங்களிலும் உபயோகப்படுத்தலாம். இந்த இருப்பிட சான்றிதழ் அனைத்து விதமான சேவைகளும் பெற உதவியாக இருக்கும் மாநில மத்திய அரசு பொதுத்துறை நிறுவனங்களுக்கும் அளிக்கலாம்.

தனித்தன்மை வாய்ந்த அடையாலமுள்ள 12 இலக்க எண் கொண்டது தங்களது இருப்பிட அடையாளங்கள் சொத்து விபரங்கள் ஆகிய சுய விபரங்களுடன் கூடிய இந்த சான்றிதழ் மூலம் தாங்கள் சேவை பெரும் நிறுவனங்களை திருப்தி படுத்தலாம் பிற அடையாள அட்டைகளில் நடைபெறும் மோசடிகளை தடுக்க ஏற்படுத்தப்பட்டுள்ளது

இந்த திட்டத்தை அரசுடன் சேர்ந்து செயல் படுத்துவோர் LIC ஆயுள் காப்பீட்டு நிறுவனம்-தேசியமயமாக்கப்பட்ட வங்கிகள்-பொதுத்துறை நிறுவனங்கள்-

தேவைப்படும் ஆவணங்கள் தரமுடியாமல் நிறைய நபர்கள் இருப்பதால் அவர்களும் பயன் பெற ஏற்பாடு செய்யப்பட்டுள்ளது உதாரணமாக நாடோடிகள் பிச்சைக்காரர்கள் குடிசை வாசிகள் போன்ற நிரந்தர குடியிருப்பு இல்ல்லாதவர்களும் பெறலாம்

அறிமுகத்தின் பேரில் இவர்களும் அடையாள எண் பெறலாம்

அறிமுகப்ப்படுத்துவோர் யார் :?அரசு அதிகாரிகள்-பள்ளி உபாத்தியாயார்கள் தலைமை ஆசிரியர்கள்-அங்கன்வாடி பணியாளர்கள்- ஏற்க்கனவே ஆதார் அட்டைபெற்றவர்கள் போன்ற அனைவரும் அறிமுகம் செய்து உதவலாம்,-

அடையாள எண் பெற எளிமையான நடைமுறை

அதிகாரபூர்வமான அடையாள அட்டை வழங்கும் இடத்தில் தரப்படும் விண்ணப்ப படிவத்தை பூர்த்தி செய்து அத்துடன் KYC எனப்படும் நாம் ஏற்க்கனவே உபயோகப் படுத்தும் ரேஷன் கார்டு வாக்காளர் அடையாள அட்டை பாஸ்போர்ட் டிரைவிங் லைசன்ஸ் ஏதேனும் ஒரு ஆவணத்தை இனைத்தால் போதுமானது

பெயர் –தகப்பனார் பெயர் /தாயார் பெயர் –திருமணமானவரா-துணை பெயர்-விலாசம் போன் எண் சொத்து விபரங்கள் வீடு –நிலம் –சில சேவை நிறுவனங்கள் தேவை இல்லாமல் இது போல கேட்கிறார்கள்

வருடாந்திர வருமானம் தன்னை சார்ந்திருப்பவர்கள் எண்ணிக்கை பிறந்த தேதி ஒரு நாமினியை நியமிக்கலாம் மேற்க்கண்ட படிவத்தில் மூன்று கையொப்பம் இட்டு படிவம் பூர்த்தி செய்து கொடுத்தவுடன் உடனடியாக

1) நமது முகம் தெரியுமாறு போட்டோ ஒன்று எடுக்கப்படும்

2) பத்து விரல் ரேகை பதிவு செய்யப்படும்

3) இரு கண்ணின் கருவிழி கேமிரா மூலம் படமெடுக்கப்படும்

கை விரல் ரேகையும்-கண்விழியும் ஒருவர் போல் யாருக்கும் அமையாது என்பதால் இந்த பாதுகாப்பான ஏற்ப்பாடு

மேற்க்கண்டநடைமுறைபதினைந்து நிமிடத்தில் முடிந்தவுடனேயே

கம்ப்யூட்டர் திரையில் நாம் தெரிவித்தது அனைத்தும் பதிவாகியுள்ளதா என்பதை நாம் உறுதிப்படுத்தியவுடன் ஒப்புகை சீட்டு வழங்கப்படும் ஒரு மாதத்திற்குள் அடையாள எண் அரசினரால் வழங்கப்படும்

தகவல் அளித்த போது உள்ள தகவல்கள் அனைத்தும் இரகசியம் காக்கப்பட்டு இந்திய அரசின் காப்பகத்தில் பத்திரமாக இருக்கும் அரசு நிறுவனங்கள் எந்த நேரத்திலும் இந்தியாவில் எங்கிருந்து விசாரிக்கும் போதும் தகவல் சரி அல்லது தவறு என்று மட்டும் தான் அவர்களுக்கு பதில் கிடைக்கும் ஆதலால் உண்மையான தகவல்களையே கூறவும்.

கீழ் கண்ட வலை தளத்திலும் சென்று நமது தனித்தன்மை எண் பற்றிய நிலைமையை அறிந்து கொள்ளலாம் www.uidai.gov.in சந்தேகங்களுக்கு 1800 180 1947 எண்ணில் அறியலாம்

அறியாதது: விலாச மாறுதல் இருப்பின் யாரை அணுகி மாற்றம் செய்து கொள்வது ?
licsundaramurthy@gmail.com
04.08.2011

இலவசம் BE படிப்பு –தங்குமிடம்-உணவு அனைத்தும் இலவசம்

2011-05-28T22:49:00.000+05:30

இலவசம் BE படிப்பு –தங்குமிடம்-உணவு அனைத்தும் இலவசம்

இலவசம் ஆனால் உண்மை

இன்று 28.05.2011 ஜெயா தொலைக்காட்சியில் விசுவின் மக்கள் அரங்கம் நிகழ்ச்சி பார்த்துக் கொண்டிருக்கும் போது நிறைவேறிய இலவச அறிவிப்பு

கல்லூரியில் இலவசமாக தேர்வாக

1) 80% சதவிகித cut of Mark பெற்றிருக்கவேண்டும்

2) தாய் தந்தையர் இருவரின் வருமானமும் வறுமைக்கோட்டிற்கு கீழ் இருக்கவேண்டும் எத் தொழில் சார்ந்தவரும் விண்ணப்பிக்கலாம்

3) அனைத்து ஜாதியை சார்ந்தவரும் விண்ணப்பிக்கலாம ஜாதி ஒரு தடை அல்ல

4) ஷீரடி சாய் இன்ஜினியரிங் கல்லூரி சென்னையிலும் ஹோசூரிலும் இயங்கி வருகிறது ஏழை மாணவர்களையும் ஊக்குவிக்க வேண்டும் என்பதனால் திரு. விசு மக்கள் அரங்க நிகழ்ச்சிக்கு மேற்கண்ட கல்லூரியின் சென்னை கல்லூரியில் சேருவதற்கு ஐந்து இடமும் ஹோசூரில் ஐந்து இடமும் ஒதுக்கி உள்ளனர்

5) கல்லூரியில் படிக்கும் படிப்பு செலவு தங்குவதற்கான செலவு உணவு க்கான செலவு அனைத்தும் கல்லூரி நிர்வாகமே ஏற்ப்பதால் கவலை இன்றி சேரலாம்

6) மேற்க்கண்ட சேர்க்கை மக்கள் அரங்க சிபாரிசிலும் கல்லூரி நிர்வாக அனுமதியின் பேரிலும் அரசின் விதிமுறைகளுக்குட்பட்டு நடை முறை கடை பிடிக்கப்படும்

7) மற்ற விபரங்களுக்கு ஜெயா தொலக்காட்சி மக்கள் அரங்க நிகழ்ச்சியை பார்க்கவும் ஞாயிறு காலையிலும் மறு ஒளிபரப்பு சனிக்கிகிழமை மாலையிலும் பார்க்கலாம்

8) இது ஒரு தகவலுக்காக வெளியிடப்படும் அறிவிப்பே தவிர ஜெயா தொலைக்காட்சி- மக்கள் அரங்கம்- ஷீரடி சாய் இன்ஜினியரிங் கல்லூரி முதலியவற்றுக்கும் எந்த தொடர்புமில்லை

9) பத்து மாணவ மாணவிகளும் கல்லூரியில் தேர்வாகி படிக்க எல்லாம் வல்ல இறைவனை பிரார்த்திக்கிறேன்

10) விண்ணப்பம் தெளிவான கையெழுத்துடன்

சுய தகவல் படிவம்

மதிப்பெண் பட்டியல் – சான்றளித்தவர் கையோப்பமுடன்

தாயார் தகப்பானார் வருமான சான்றிதழ்

11) அனுப்ப வேண்டிய முகவரி

விசுவின் மக்கள் அரங்கம்

தபால் பெட்டி எண்-6900

சென்னை -40

கைபேசி 9677760909

வாழ்த்துக்களுடன்இதில் என்ன ஆச்சர்யம் என்றால் இந்த அரங்க நிகழ்ச்சியில் கலந்து கொண்ட ஒரு ஏழை மாணவனின் இன்ஜினியரிங் படிக்க வேன்ன்டும் என்ற அவாவின் வெளிப்பாடும் ஆசைப்பட்டதை அடைந்ததையும் பேசியது அருமையாக இருந்தது இந்த உந்து சக்தி இவரைப் போல் பலரையும் உருவாக்கும் எண்பது உறுதி எந்த கல்லூரிக்கு சேரவேண்டும் என்று ஆசைப்பட்டாரோ அதே கல்லூரி தன்னை மதிப்பெண் பத்தாது என்று திருப்பி அனுப்பியும் படிக்க வேண்டும் என்ற ஆசையினால் மாமாவின் சிபாரிசின் மீது சேர்ந்து கல்லூரி ஆரம்பிக்கப் பட்ட நாளிலிருந்து அது வறை யாரும் எடுக்காத மதிப்பெண்களை பெற்று தனித்துவம் பெற்று தன்னுடைய பெயர் கல்லூரி வளாகத்தில் அலங்கரிப்பதை கூறிய போது மிகவும் பெருமிதமாக அவர் உணர்ந்தாரோ என்னவோ நம்மையும் ஆழ்த்திவிட்டார் படப்பிடிப்புக் குழுவினரும் அனைத்து நிகழ்வுகளையும் காட்டி அசத்தி விட்டனர் தாயார் விவசாய கூலி தகப்பனார் ரொட்டிக் கடையில் கூலி வேலை பார்ப்பவர் குடும்ப சிலவிற்கே பற்றாது என்ற நிலைமை தம்பியும் படிக்க வேண்டிய சூழ்நிலை வறுமைக் கோட்டின் கீழ் இருந்தும் படிக்க வேண்டும் என்ற ஆவல் அப்துல் கலாம் கூறிய நவீன இளைஞன் நிச்சயமாக இவரும் இவரைப்போன்றவர்களும் தான்.

licsundaramurthy@gmail.com

www.salemscooby.blogspot.com

Ancient names, Mythological names, Hindu epics mythology names, Vedic names A

2011-04-23T15:22:00.000+05:30

Ancient names, Mythological names, Hindu epics mythology names, Vedic names A

இனிய சித்திரை தமிழ் புத்தாண்டு & விஷு நல்வாழ்த்துக்கள்

2011-04-11T23:03:00.003+05:30

இனிய சித்திரை தமிழ் புத்தாண்டு & விஷு நல்வாழ்த்துக்கள்

வரவேற்போம்

2011-தமிழ் புத்தாண்டு சித்திரை மாதம் 1 ஆம் தேதி வியாழக்கிழமை சுக்ல பட்சம் ஏகாதசி திதி மக நட்ச்த்திரம் அமிர்தயோகம் கூடிய சுபதினத்தில் நண்பகல் 1 மணிக்கு சூர்ய உதயாதி 17.28நாழிகையில் கடக லக்னம் துலா நவாம்சத்தில் சூரியன் மேஷ ராசியில் பிரவேசிக்கும் காலத்தில் கர வருஷம் மங்களகரமாக பிறக்கிறது 14.04.2011 கர வருஷத்தின் முதல் நாள் அறுபது வருட இந்திய பாரம்பர்ய காலண்டரில் இருபத்தைந்தாம் ஆண்டு. சித்திரை வருஷப்பிறப்பன்று கோவில்களில் புது வருஷப் பஞ்சாங்கம் படிக்கும் பழக்கம் உள்ளது பெரும்பாலானவர்கள் கலந்து கொண்டு ஸ்வாமியின் அருளாசி பெருவர் ஒவ்வொரு வீட்டிலும் புது பஞ்சாங்கம் வாங்கி பூஜையில் வைத்து மாலையில் படிப்பது பழக்கம்.கோயிலுக்கு சென்று ஸ்வாமி தரிசனம் செய்து தானம் அளிப்பதும் நடைமுறையில் உள்ளது .

கேரளத்தில் விஷுக் கனி காணல் என்று கொண்டாடுகின்றனர் சித்திரை வருஷபிறப்பிர்க்கு முதல் நாள் ஒவ்வொருவரும் பூஜை அறையில் இரவில் ஒரு தட்டில் பொன் வெள்ளி ரூபாய் நோட்டுக்கள் நாணயங்கள் புஷ்பம் தேங்காய் கண்ணாடி கிடைக்கும் பழங்கள் முதலியவற்றை வைத்து வருஷப் பிறப்பன்று காலையில் துயில் எழுந்ததும் கண்களை திறக்காமல் பூஜை அறைக்குள் சென்று தட்டில் வைத்திருக்கும் பொருட்களை பார்த்த பின்னர் கண்ணாடியில் தங்கள் முகத்தை பார்த்து பின்னர் ஸ்வாமி படத்தை நமஸ்கரித்து வீட்டிலுள்ள பெரியோர்களை நமஸ்கரித்து ஆசி பெறும்போது பணம் கொடுப்பார்கள்.தமிழ் நாட்டிலும் பெரும்பான்மையாக கொண்டாடுகிறார்கள்

புத்தாண்டு தினத்தன்று வீட்டு வாசலில் கோலமிட்டு மாவிலை தோரணம் கட்டி வீட்டை அலங்கரித்து ஸ்வாமியை நமஸ்கரித்து பூஜைகள் செய்து பலவிதமான தின்பண்டங்களுடன் மாங்காய் வெல்லம் வேப்பம்பூ சேர்த்து பச்சடி செய்து நாம் உண்கிறோம் இந்த இனிப்பு புளிப்பு கசப்பு கலவையானது நமது வாழ்வின் இன்ப துன்பங்களில் பங்கு கொள்ள ஒரு ஊக்கசக்தியாகும்.

இவ் வருஷத்தில் உங்களது குடும்ப உறுப்பினர்கள் அனைவரும் வாழ்க்கையில் வென்று மேன்மேலும் வளர்ந்து மட்டற்ற மகிழ்ச்சியையும் சேர்ந்து கொண்டே இருக்கும் செல்வத்தையும் நீங்காத புகழையும் தினமும் பெறவும் புதிய வருஷத்தில் புதிய சக்தியுடன் புதிய எண்ணங்களோடு புதிய சாதனைகளை நீங்கள் சாதிக்கவும் நீங்கள் நினைப்பவை கைகூடி வரவும் ஒரு வளமான வாழ்க்கை இந்த ஆண்டில் துவக்கவும் என்றும் மனமார்ந்த நல்வாழ்த்துக்களுடன்

LIC சுந்தரமூர்த்தி குடும்பத்தினர்

www.salemscooby.blogspot.com

வேப்பம் பூ பச்சடி செய்முறை (நினைவூட்ட)

தேவையான அளவு வேப்பம்பூ மாங்காய்-வெல்லம் –-உப்பு-மிளகாய் கடுகு

மாங்காய் பச்சை மிளகாய் இரண்டையும் சிறு சிறு துண்டுகளாக நறுக்கிக் கொள்ளவும் வேப்பம்பூவை கடாயில்போட்டு கரகரவென வறுத்துக் கொண்டு வெல்லத்தை நீரில் கரைத்து வைத்துக் கொள்ளவும்

மாங்காயை நீரில் வேக வைத்து வதக்கிய பச்சை மிளகாயையும் வெல்லக் கரைசலையும் மாங்காயுடன் சேர்த்து கலக்கி அடுப்பில் வைத்து சூடாக்கவும் உப்பு சேர்த்து கொதித்தவுடன் இறக்கி வைத்து கரகரவென வறுத்து வைத்த வேப்பம்பூவை சேர்த்து இறக்கி கடுகு தாளிக்கவும் தேவையெனில் தயிர் சேர்த்துக்கொள்ளலாம்.

சுவையான வேப்பம்பூ பச்சடி சாப்பிட தயார் சாப்பிடலாமா?

LIC சுந்தரமூர்த்தி குடும்பத்தினர்

www.salemscooby.blogspot.com

vasthra-dharanam.wmv

2011-04-03T22:59:00.000+05:30

பாரதி வித்யாலய முன்னாள் மாணவர் சங்க விழா 2011

2011-02-10T21:24:00.010+05:30

பாரதிவித்யாலய மேல்நிலைப்பள்ளி மரவனேரி சேலம் 636007 முன்னாள் மாணவர்கள் நாங்கள் நடத்திய நமது குடும்ப விழாவின் 57 வது ஆண்டு மிகவும் சிறப்பாக எந்த விதமான வெளி நபர்கள் ஆக்ரமிப்பின்றி சர்வசாதாரணமாக நடைபெற்றது. சரஸ்வதி தேவி வீணை மீட்டி நம்மை அழைக்கும் காட்சியை ஆசீர்வாதத்தை பெற்றுக் கொண்டே பள்ளியுள் நுழைகிறோம்.

மாணவர் சங்க வருடாந்திர கூட்டம் வழக்கம் போல் குடியரசு தினத்தன்று கொண்டாடப்பட்டது. அறிவுப்பு ஒரு வாரம் முன்பாகவே தினமலர் பத்திரிகையில் 20.01.2011 அன்று வெளி வந்தது மற்றும் சேலம் நகர கேபிள் மூலம் தொலைக்காட்சி செய்திகளிலும் அறிவித்தார்கள் .
சாதனைகள் பல புரிந்துள்ள நமது பள்ளி. 1946ஆம் ஆண்டில் பிராம்மண சேவா சங்க நடுநிலைப்பள்ளியாக தொடங்கப்பட்டு பின்னர் 1950ல் பாரதிவித்யாலய உயர்நிலைப்பள்ளியாகி தற்போது பாரதிவித்யாலய மேல்நிலைப்பள்ளியாக இயங்கி வருவது அனைவருக்கும் தெரிந்ததே
விழாவை ஆரம்பிக்கும்போது தமிழ்த்தாய் வாழ்த்து நீராடும்.......... யா குந்தேந்து துஷார ஹார தவளா.............கலைமகளை காக்க கூறி .சரஸ்வதி அஷ்டகமும்–உலகெ லாமுணர்ந் தோதற் கரியவன் என்று சிவபெருமானை துதித்து ......திருதொண்டர்புராணமும்...........வித்யாவந்தம் யசஸ்வந்தம் .....தேவி மஹா த்மியத்திலிருந்து பாடி என்னைக் கல்வியுடையோனாகவும் புகழுடையோனாகவும் செல்வனாகவும் செய்வாயாக எனக்கு நல்ல வடிவையும், வெற்றியையும் புகழையும், தந்து பகைமையை நீக்குவாயாக என்று தினசரி பாடிய அந்த இறைவணக்க பாடலை பள்ளியின் மானாக்கர்கள் பாட ஆரம்பிக்கும்போதே கலந்து கொண்ட நாங்கள் அனைவரும் மீண்டும் பள்ளியில் படிப்பது போன்ற உணர்வில் இருந்தோம்
மீண்டுவர சில நிமிடங்கள் ஆனது அதன் பின்னர் நமது சங்கத்தின் தலைவர் திருM.A.கலைஅரசன்-பாண்டியன் பேப்பர் கம்பனி அறிமுக உரை நிகழ்ச்சி நிரல் நிகழ்ச்சி தொகுப்பு என தனி மனிதராகவே கவனித்துக் கொண்டார் பின்னர் சங்க உறுப்பினர்கள் சிலர் தாங்கள் இந்த பள்ளியில் படித்ததனால் அடைந்த நன்மைகளையும் வீட்டில் கட்டுக்கடங்காமல் இருந்த போது இங்கு சேர்த்து தாங்கள் கல்லூரி முடித்து தற்போது சிறந்த நிர்வாகியாக இருப்பதையும் அதற்கான ஆசிரியர்களின் சிறப்பான கல்விசேவை மற்றும் போதித்த ஒழுக்கமுறை காரணத்தால் தற்போது வாழ்வில் வசந்த காலத்தில் இருப்பதற்கு நன்றி தெரிவித்தனர்.

நமது மாணவர் சங்கம் 1957ல் தற்போதைய கௌரவத்தலைவரால் ஆரம்பிக்கப்பட்டு தொடர்ந்து ஆடம்பரமின்றி நடைபெற்றுவருகிறது. இந்த சங்கத்தின் கெளரவத்தலைவர் திரு வ.மு.ராமசாமியை பற்றி பேச வேண்டுமானால் இந்த பதிவுகள் இடம் போதாது ஏனெனில் சங்கம் ஆரம்பித்த காலத்திலிருந்து சங்க முதல்வராக இருந்து அனைத்து பொறுப்புகளிலும் பணியாற்றி தற்போதும் இளமையுடன் சங்கப் பணிகள் ஆற்றுவதுடன் தன்னுடைய பள்ளிக்கால நண்பர்கள் பத்து போரையும் கஷ்டப்பட்டு தேடி அழைத்து வந்திருந்தார் இதில் வியப்பென்னவேன்றால் அனைவருமே எண்பது வயதுக்கு மேர்ப்பட்டவர்களுமன்றி சதாபிஷேகம் கண்டவர்கள்,.அனைவரும் துள்ளிக் குதித்து ஒடி வந்ததுதான் அதிசயம் . அவர்கள் அனைவரையும் பாராட்டி மிக மூத்த முன்னாள் மாணவர்கள் என்று கெளரவித்து கரகோஷத்துக்கிடையில் பொன்னாடை அளித்து நாமும் இது போலதொடர்ந்து சங்க உறுப்பினராகவும் நாமும் என்னாளும் இளைஞனாக இருக்கவும் நமக்குத் தெரிந்த மாணவர்களையும் அறிமுகப்படுத்த வேண்டும் என்ற உணர்வும் மேலோங்கி நின்றது.
சேலம் நகரிலுள்ள ஆடிட்டர் திரு B. சரவணன் பேசும் போது வருங்காலத்தில் தணிக்கைத் துறையும் கணினி சம்பந்தமான படிப்புகள் வளமாக இருக்கப்போவதால் அனைவருக்கும் ஏற்படும் சந்தேகத்தை நிவர்த்தி செய்து அதற்கு தான் உதவத் தயாராக இருப்பதாகவும் கூறினார். சில நண்பர்களும் இதே கருத்தை சொல்லி நாம் படித்த காலத்தில் தற்போது இருப்பது போல புத்தகங்கள் மற்றும் மீடியா தொடர்பு சாதனங்கள் இல்லாத காரணத்தால் நம்மால் சிறுது கஷ்டப்பட வேண்டியதிருந்தது ஆனால் தற்போது அந்த நிலை இல்லை இருந்தாலும் நாம் கஷ்டப்பட்டு அனுபவித்து தெரிந்து கொண்டதை தற்போது பயிலும் மாணவர்களுக்கு சுருக்கமாக எந்த மாதிரி எல்லாம் தொழில் துறை உள்ளது அதற்க்கு தேவையான பயிற்சியினை இலவசமாக அவர்களுக்கு கற்றுத் தர தயாராக இருப்பதாகவும், வெளிநாட்டு வேலைகள் தற்போது சர்வசாதாரனமாக இருப்பதால் அது பற்றியும் அவர்களுக்கு பயிற்றுவிக்க தயாராக இருப்பதாகவும் கூறினார்கள்.
“குருர் ப்ரஹமா குருர் விஷ்ணுர் குருர் தேவோ மஹேஸ்வர:
குரு: ஸாஷாத் பரம் ப்ரஹம தஸ்மை ஸ்ரீ குருவே நம:”
என்று குருவை தியானித்து முன்னாள் ஆசிரியர்கள் நால்வருக்கு பொற்கிழி அளித்து கௌரவிக்கப்பட்டது. ஆசிரியர் ஸ்ரீ நடராஜய்யர் தனது துணைவியாருடன் வந்து பெற்றுக்கொண்டது சிறப்பாக அமைந்தது.
ஆடிட்டர் அசோக் துரைசாமியும் சங்க பொருளாளரும் சேலத்தின் சிங்கமென தணிக்கை துறையில் கோலோச்சும் ஆடிட்டர் துரை அவர்களின் குமாரரும் அவார். பொருளாதாரம் நல்ல முறையில் செயல் படுத்துவதை பார்க்க முடிந்தது சங்க ஆயுள் சந்தா ரூபாய் 500/-ஆண்டு சந்தா ரூபாய் 50/- மட்டும் வசூலித்து வேறு எந்த நன்கொடையும் பெறாமல் ஆண்டு விழா செலவுகளை செய்து திருப்தியான அளவில் காபி மதிய உணவு எல்லாம் அளித்ததிலிருந்தே தெரிகிறதே.
இசை நிகழ்ச்சியை வழங்கியவர்கள் மாதவமணி குழுவினர். எல்லோரும் தமிழ்நாடு மாநில போக்குவரத்துத் துறையில் பணியாற்றும் அதிகாரிகள் என்பதும் நமது உறுப்பினர்களும் ஆவர். திகட்டாத செவி இன்பத்தையும் அளித்தனர் நமது உறுப்பினர்கள் சிலரும் இனிமையாக பாடி நிகழ்ச்சியை மெருகேற்றினர். ஆடிட்டர் திரு பாலாஜி தனக்கு தணிக்கையை தவிர இசையும் அத்துபடி தான் என்பதனை மெய்ப்பித்தார்.
செயற்குழு உறுப்பினர்கள் அனைவரும் சிறப்பான முறையில் பணியாற்றி தனக்கும் விழாவிற்க்கும் சம்பந்தம் இல்லாதது போல் ஒதுங்கி அமர்ந்திருந்தது ஆச்சர்யமளித்தது உதாரணமாக சாரதாம்பாள் பிரிண்டர்ஸ் சுப்ரமணியனை அருகில் அழைத்தும் வரவில்லை குடத்தில் இட்ட விளக்காக அனைவரும் தங்கள் பணியினை பூர்த்தி செய்து மிளிர்கிறார்கள்.
பள்ளி தாளாளர் நாராயணன் குடும்பம் எவ்வளவு தான் வசதிபடைத்திருந்தாலும் தன் குடும்பத்தினர் அனைவரையும் இதே பள்ளியில் படிக்க வைத்தார் என்பதும் ஆயுள் சந்தாவயும் செலுத்துகிரார் என்பதும் பள்ளி மேல் அவருக்குள்ள பாசமும் நேசமும் புரிந்தது.
திரு V.வேலுப்பையன் முன்னாள் ஆசிரியாராயிருந்தாலும் இன்னும் பெயருக்கேற்றவாறு மாணவர் போன்றே சுறுசுறுப்புடன் செயளாளர் பதவிக்கேற்ப விழாவை சிறப்புற நடத்தி நன்றி உரையும் ஆற்றினார்.
சூர்யா சுகலையா மருத்துவமனை டாகடர் திருA.K. கண்ணன் துணைத் தலைவர் பொறுப்பை சிறப்பான முறையில் செய்திருந்தார்.
ஸ்ரீ ராமகிருஷ்ணா எலக்ட்ரிகல்ஸ் திருV. ரவிச்சந்திரன் துணை செயளாளர் பதவிக்கேற்ப அனைவரையும் வரவேற்று உபசரித்தார்.
தலைமை ஆசிரியர் திருG. புஷ்பநாதன் பள்ளியின் தற்போதைய வளர்ச்சி-தேர்ச்சி விகிதம் பற்றி கூறும்போது ஒன்பதாம் வகுப்பு வரை எங்கு படித்திருந்தாலும் எந்த வித வடிகட்டலுமின்றி அணைத்து மாணவர்களையும் சேர்த்துக் கொள்வதால் சென்ற ஆண்டில் பத்தாம் வகுப்பில் 82% தேர்ச்சியும் பன்னிரண்டாம் வகுப்பில் அணைத்து மாணவர்களையும் மேம்படுத்தி 91% தேர்ச்சி விகிதம் உள்ளதாக கூறினார் 3320 மாணவர்கள் நம் பள்ளியில் படிப்பதாக கூறியது மனதிற்கு மிகவும் மகிழ்ச்சியளிக்கிறது.
பள்ளிக்கூடத்தில் மாணவர்கள் அறிவை மேம்படுதுவதற்குண்டான அணைத்து வசதிகளும் இன்றைய சூழ்நிலைக்கேர்ப்ப நிர்வாகம் அமைத்துக்கொடுத்துள்ளது பாராட்டுக்குரியது. ஒன்று முதல் எட்டாம் வகுப்பு வரை அனைவரும் தேர்ச்சி என்பதால் தன்னுடைய பெயரினை ஆங்கிலத்தில் எழுதவோ அல்லது ஆங்கில எழுத்துக்கள் A TO Z கூட தெரியாமல் இப்படி வந்து சேரும் மானவர்களையும் நல் மாணவர்களாக திறமை படைத்தவர்களாக ஆக்கிய பெருமைக்கு நல்லாசிரிய பெருமக்கள் திறமைதான் காரணம்.
விளையாட்டுப்போட்டி இசை நிகழ்ச்சி நடத்தப்பட்டு பரிசுகளும் அளித்து கௌரவிக்கப்பட்டனர்.
சேலத்தில் கல்வியில் மேன்மையும் ஒழுக்கத்திற்கு முதலிடமும் என்று நினைத்து பழைமை வாய்ந்த பள்ளியில் சேர்ந்து படிப்பதே பெருமை என்று பெற்றோர் நினைத்தது அந்தக் காலம்.......... காலம் மாறிவிடவில்லை இந்தக் காலத்திலும் தொடர்கிறது என்பது பள்ளியின் மாணவர் எண்ணிக்கையிலிருந்தே தெரிகிறது.
நாங்கள் படித்த ஓடு வேய்ந்த வகுப்பறை காணாமல் போயிருந்தது அதற்குப்பதிலாக அதி நவீன அடுக்கு மாடி கட்டிடங்கள் அரண்போல்அமைந்திருந்தது விளையாடிய விளையாட்டு மைதானம் முதலியவற்றை சுற்றிப்பார்த்து பழைய நினைவுகளை நினைவு கூர்ந்தோம் மாற்ற மில்லாதது பள்ளியின் முன்தோற்றம் மட்டுமே அது கூட இன்று தான் கட்டி முடித்தார் போல் பளிச்சென்று அழகாக அமைந்துள்ளது. . புதியதாக கட்டப்பட்டு வரும் அரங்கம் மிக பெரிதாகவும் சிறப்பானதாகவும் மாணவர்களின் தேவைக்கு உகந்ததாகவும் உள்ளது நமது அடுத்த சங்க விழாவினை அரங்கத்திலே நடத்தி பார்க்கவும் ஆவல்.
இந்த பள்ளி எத்தனை மாணவர்களை தயார்படுத்தி அறிவு விளக்கு ஏற்றிஉள்ளது என்று எண்ணிப் பார்க்கவே பெருமையாக உள்ளது நமது நண்பர்கள் பலர் உயர் பதவி வகிப்பதும் இங்கே நாம் எடுத்துக்கொண்ட கல்வி அறிவு மற்றும் பயிற்ச்சிப்பட்டறைதான்.
பள்ளி சம்பந்தமான இணைய தளம் ஆரம்பிப்பது பற்றியும் தொடர்ந்து நிகழ்ச்சிகள் தயாரித்து அளிப்பது பற்றியும் பல நண்பர்கள் முன் வந்தனர். நானும் முந்திக் கொண்டேன்.
விழாவிற்கு 300 உறுப்பினர்கள் வந்திருந்தது குறிப்பிடத்தக்கது அடுத்த வருஷம் முதல் குடும்பத்துடன் பங்கேற்க முன் வருவோம் 600 உறுப்பினர்கள் இருப்பினும் வெளிநாடு வெளிமாநிலத்தில் இருப்பதால் பலர் வர இயலவில்லை.உறுப்பினர் எண்ணிக்கை உயர நாமும் முயற்சி செய்வோம்
சங்கத்தலைவர் திருM.A.கலைஅரசன் மற்றும் நிர்வாகக்குழுவினரும் எந்தவிதமான எதிர்பார்ப்புமின்றி விழாவை சிறப்பித்தமைக்கு சங்க உறப்பினர்கள் சார்பில் மனதார பாராட்டி அவர்கள் தம் குடும்பத்துடன் கல்வி செல்வம் நீளாயுள் பெற்று வாழ்வில் சகல நன்மைகளையும் பெற்று நீடூழி வாழ வாழ்த்துக்கள்.
விழா முடிந்து வயிறார உணவருந்தி பின்னர் பிரிய நேரும்போது பள்ளிக்கு ஏதேனும் பயனுள்ளவற்றை செய்யலாம் என்று நினைத்தபோது பள்ளியின் தலைமை ஆசிரியர் பள்ளி நல்ல நிதி நிலைமையில் இருப்பதால் தற்போது நன்கொடை தேவை இல்லை என்று கூறியது நினைவில் நின்றது
எல்லாப் புகழும் ஆசிரியப் பெருமக்களையே சாரும் நற்கல்வி நல்லொழுக்கம் போதித்த நல்லாசிரியர்களை மறக்கமுடியுமா? பலர் இறைவனடி சேர்ந்து விட்டனர் பலர் ஒய்வு பெற்று விட்டனர்.இன்னும் பணி செய்து கொண்டு இருக்கும் அணைத்து நல் ஆசிரியர்களும் திடகாத்திரத்துடன் செல்வசெழிப்புடன் நல்ல குடும்பமாக வாழ பிரார்த்தனை செய்கிறோம்.
இந்த ஆண்டு விழாவில் பங்கு பெற்ற, சந்தர்ப்பவசமாக கலந்து கொள்ளாத முன்னாள் மாணவர்கள், இந்நாள் மற்றும் முன்னாள் ஆசிரியர்கள்- நிர்வாகத்தினர் அனைவர் தம் குடும்பத்தில் மகிழ்ச்சியும் அன்பும் தழைத் தோங்கி திடமான ஆரோக்கியம் நீண்ட ஆயுள் அணைத்து செல்வங்களும் பெற்று நிறைவாய் வாழ வாழ்த்துக்கள்.
பசுமை நிறைந்த நினைவுகளே பாடிப் பறந்த பறவைகளே என்ற மேற்கோ ளுக்கேர்ப்ப விழா இனிதாக நடந்தது. விழா முடிந்த பின்னர் அனைவரும் பிரியும்போது அடுத்த குடியரசு தினம் எதிர் நோக்கி சென்றோம்
நமது பள்ளியுடன் எனக்குள்ள தொடர்பு விடுபடாமல் இருப்பதற்கு நமது பள்ளியின் தொலை பேசி எண் 2414114 என்னுடைய தொலை பேசி எண் 2414141 அதனால் தவறாய் பதிவு செய்யும் எண்களுக்கு அடிக்கடி பதில் அளிக்கும்போதும் பள்ளி நினைவுகள் தொடர்கிறது.
உங்களில் ஒருவன் LIC சுந்தரமூர்த்தி

2009-11-02T15:53:00.005+05:30

www.allahabad.nic.in

வலைதளத்தில் அலகாபாத்-பிரயாகை ஷேதிரத்தின் மகிமை பற்றியும் வழித்தடங்கள், ரயில்வே அட்டவணை, ஸ்தலபுராணங்கள், கும்பமேளா பற்றிய தகவல்கள் அலகாபாத் மாவட்டத்தை பற்றிய அணைத்து தகவல்களையும் அறியலாம்.
பிரயாகையில் தரிசிக்கவேண்டியவை

திரிவேணி சங்கமத்தில் நீராடுதல்

தானம் செய்தல்

பெண்கள் வேணி தானம் (கூந்தல்) செய்தல்

தம்பதி பூஜை செய்தல்

ஹனுமார் கோவில் தரிசித்தல்

ஸ்ரீ சங்கர விமான மண்டப தரிசனம்

ராமேஸ்வரத்திலிருந்து எடுத்து வந்த மணல் லிங்கத்தை திரிவேனியில் தம்பதியராக கரைத்தல்
கும்பமேளா காலத்தில் தரிசித்தல்

2009-11-02T15:40:00.010+05:30

பிரயாகை-மகா கும்பமேளா

சமுத்திர மந்தனுக்கு , கும்ப கலசத்திலிருந்து அமிர்த துளிகள் முதன்முதலாக ப்ரயாக் க்ஷேத்திரத்திற்கு கிடைத்தது பகவானின் விராட் ஸ்வரூபத்தை லக்ஷ்யமாகக் கொண்டு, உலக நலத்திற்காக கும்ப கலச பூஜை செய்யப்படுகிறது. பகவான் விஷ்ணு இதை தாங்கி காப்பாற்றுகிறார். அனைத்து தேவதைகளும், புண்ய தீர்த்தங்களும் கும்பத்தில் ஆவாஹனம் செய்யப்பட்டு பிரதிஷ்டை செய்யப்பட்டு உள்ளார்கள்.

பன்னிரண்டு நாட்கள் போர் நடைபெற்றதால் பன்னிரண்டு ஆண்டுகளுக்கு ஒரு முறை மேற்கூறிய ஷேத்திரங்களில் கும்பமேளா நடைபெறுகிறது ( தேவர்களின் ஒரு நாள் மனிதர்களுக்கு ஒரு வருஷம் ) 12 ஆண்டுகளுக்கு ஒரு முறை பிருஹஸ்பதி வ்ருஷப ராசியிலும், ஸூர்யன் மகர ராசியிலும் ஸஞ்சரிக்கும் சமயம் ப்ரயாகில் மகாகும்பமேளா அனுஷ்டிக்கப்படுகிறது. அந்தப் புனித சமயத்தில் லக்ஷக்கணக்கான ஆன்மீக, ஆஸ்தீக மக்கள் இங்கு புனித ஸ்நானம் செய்ய வருகிறார்கள். மகாகும்பமேளா பர்வத்தில் வடநாட்டின் பல மடங்களின் ஜகத்குருக்கள், சன்யாசிகள் இங்கு ஒரு மாத காலம் முகாம் அமைத்து கல்ப வாசம் அனுஷ்டிக்கிறார்கள். ஒவ்வொரு முகாமிலும் அது சமயம் அகண்ட பாராயணம் ஸ்ரீமத் பாகவதம் முதலிய புராணங்கள்; பஜனைகள், ப்ரவசனங்கள், ஹோமம் ஆகியவைகள் உலக சாந்திக்காக நடை பெறுகின்றன.

உத்தர பிரதேச சர்க்கார் மூலம் அவர்களுக்கு எல்லா வசதிகளும் செய்து தரப்படுகிறது.
அது சமயம் அங்கு வரும் தங்களின் சிஷ்யர்களுக்கும், அவர்கள் எல்லா வசதிகளும், தங்க இடம், போஜனம் ஆகியவை அளிக்கிறார்கள். முக்கிய ஸ்நான தினங்களில் ஸன்யாசி முதலியோர் சங்கமத்தில் புனித ஸ்நானம் செய்த பிறகு யாத்ரீகர்கள் புனித ஸ்நானம் செய்கிறார்கள்.

கும்பமேளா சமயம் பெருமளவில் யாத்ரீகர்கள் இங்கு விஜயம் செய்கிறார்கள். சிலர் ஒரு மாத காலம் கங்கையமுனையின் மத்திய பாகம் கல்பவாசம் செய்கிறார்கள். கல்பவாசம் பெரும் பாக்கியமாகக் கருதப்படுகிறது.

பிரயாக் பாரதீய பண்பாட்டையும் ஆன்மீகத்தையும் வளர்க்கும் சிறந்த புண்ணியதீர்த்தமாக விளங்குகிறது. இங்கு மக்கள் புனித நீராடி ஆத்மோன்னதி அடைகின்றனர்.
நாட்டின் பல பகுதிகளில் உள்ள அறிஞர்கள் அறவோர்கள் கூடி நாட்டின் நடப்பை ஆராய்ந்து ஆண்மீகத்துறை மட்டுமின்றி மற்ற துறையையும் பேணிப்பாதுகாகிறார்கள் கும்பமேளாவிற்கு சந்நியாசிகளும் சாதுக்களும் பைராகிகளும் அவதூதர்களும் தபஸ்விகளும் ஞானிகளும் ஏராளமாக வருகிறார்கள். சிலர் குகை, மலைகளிலிருந்து கும்பமேளா தரிசனத்திற்க்காக மட்டும் வருபவர்கள். அவர்களை தரிசிக்க மக்கள் கூட்டம் அலைமோதும் .

2009-11-02T15:35:00.003+05:30

பிரயாகை-ஸ்ரீ சங்கர விமான மண்டபம்

பிரயாகைதிரிவேனியில் நீராடி கரையை நோக்கினால் ஸ்ரீ சங்கர விமான மண்டபம் கன கம்பீரமாக 130 ௦ அடி உயரத்தில் தோற்றமளிக்கிறது.

ஸ்ரீ ஆதிசங்கரரை நினைவு கூறும் வகையில் நான்கு அடுக்கு விமான மண்டபம் கட்டப்பட்டுள்ளது. இதனை கட்டிய காஞ்சி பெரியவா ஸ்ரீ காஞ்சி காமகோடி பீடாதிபதியான ஸ்ரீ சந்திரசேகரேந்திர சரஸ்வதி சுவாமிகளுக்கும், ஸ்ரீ ஜெயேந்திர சரஸ்வதி சுவாமிகளுக்கும், ஸ்ரீ சங்கர விஜயேந்திர சுவாமிகளுக்கும் நாம் என்றென்றும் கடமைப்பட்டுள்ளோம். முதல்அடுக்கில் ஸ்ரீ காஞ்சி காமாட்சியும் நடு நாயகமாக கொலுவீற்றிருக்கும் 51 சக்தி பீடங்களையும் கொண்டுள்ளது. ஆதி சங்கரர் நிற்கின்ற திருக்கோலத்தில் காட்சி தருகிறார்.

இரண்டாவது அடுக்கில் திருப்பதி வேங்கடாசலபதி நூற்றெட்டு த்வ்யதேசங்களை நினைவில் கொள்கிராற்போல் சாளிக்கிரம வடிவில் காட்சி தருகிறார்கள்.திருமால் எடுத்த பத்து அவதாரங்களும் மட்டுமின்றி மற்ற பல அவதாரங்களையும் கருத்தை கவர்கிறது. மூன்றாவது அடுக்கில் சகஸ்ரலிங்கம். அதன் கருவறை ருத்திராட்சங்கங்களினால் வேயப்பட்டு சுற்றிலும் நூற்றியெட்டு சிவஸ்தலங்களை கண்முன்னே நிறுத்துகிறது. அழாகான சிவலிங்கங்களையும் கண்டு மகிழ்லாம்.

2009-11-02T15:32:00.002+05:30

வேணீ மாதவர் கோயில்

காஞ்சீபுரம் ஆசார்ய ஸ்வாமிகளின் நிர்வாகத்தில், தென்னிந்திய ஆகம முறைப்படி, நித்திய ஆராதனம் செய்யப்பட்டுவரும், வேணீ மாதவர் கோயில் உள்ளது. அங்கு வேணீ மாதவரைச் சேவிக்கலாம்.. த்ரிவேணீ சங்கமத்தில் தீர்த்த ரூபத்தில் வேணீ மாதவர் வணங்கப்படுகிறார்.

ஜைன தீர்த்தங்கள்

பிரயாகில் பல ஜைன தீர்த்தங்களும், கோயில்களும் உள்ளன. அக்ஷய வடத்தின் கீழே ரிஷபதேவ் தவம் செய்ததால், இதை அவர்கள் மிகவும் புனிதமாகக் கருதுகிறார்கள். ஆண்டு முழுவதும் யாத்ரீகர்கள் இங்கு சங்கம ஸ்நானம் புரிய வருகிறார்கள்.

2009-11-02T15:22:00.005+05:30

ஹனுமார் கோயில்

திரிவேணிக்கு அருகிலேயே ஹனுமார் கோயில் உள்ளது. தரையில் ஹனுமார் சயன திருக்கோலத்தில் தரிசனமளிக்கிறார். சுற்றிலும் கம்பியிட்ட இடத்திலிருந்து குனிந்து வணங்கி வழிபட்டோம்.

2009-11-02T15:16:00.002+05:30

பிரயாகை -அஷய வடம் (ஆலமரம்)

அக்ஷயவடம்'' இலையில் விஷ்ணு பகவான் சயனித்து உள்ளார். இதனால் இது அக்ஷயமாகக் கருதப்படுகிறது.'' இங்கு மாதவ பகவான் எழுந்தருளியிருந்து நித்ய வாசம் செய்கிறார். அவரைத் தரிசனம் செய்வதால் மனிதன் மகாபாபங்களினின்றும் விடுதலை பெறுகிறான்.'' பிரயாக் தீர்த்தத்தில் அக்ஷயவடம்'' முக்கியமான மிகவும் மகத்துவம் மிக்க புனிதமான இடமாகும். திரிவேணி சங்கமத்திலிருந்து எதிரில் கோட்டைக்குள் அக்ஷயவடம் உள்ளது. வாரத்தில் 2 தினங்கள் அனைவரும் கோட்டைக்குள் சென்று அக்ஷயவடத்தை தரிசனம் செய்யலாம். மற்றைய தினங்களில் கோட்டைக்குள் செல்ல கோட்டையின் அதிகாரிகளின் அனுமதி பெறவேண்டும். பாதாளபுரி கோயிலில் முன்பு அக்ஷயவடத்தையும் மக்கள் தரிசிக்கிறார்கள். பூமி மட்டத்திற்கும் கீழே இருப்பதால் இது பாதாளபுரி என்றும் சொல்லப்படுகிறது. பாதாளபுரியில் அதிகமாக தெய்வ சன்னதிகள் உள்ளன..

அஷயவடம் செல்லும் ஆலமரகிலையின் வேர் பிரயாகையிலும் நடுப்பகுதி காசியில்லும் நுனிப்பகுதி

கயையிலும் ஒரே நேர்க்கோட்டில் உள்ளது கோட்டைக்குள் இருந்த ஆலமரத்தை முழுமையாக பார்க்க இயலவில்லை

2009-11-02T15:11:00.004+05:30

த்ரிவேணி ஸ்நானம்

கங்கையின் தெளிவான ஜலம் யமுனையின் நீல நிறமுள்ள ஜலத்துடன் சங்கமமாகும் இடம் சங்கம ஸ்தலமாகும். இங்கு ஸரஸ்வதி நதி அந்தர்வாஹினியாக ஓடிக்கொண்டே இருக்கிறாள்.

படகுத்துறையில் ஏராளமான படகுகள் நிற்கின்றன அவற்றில் ஒரு படகை அமர்த்திக்கொண்டு சங்கமத்துறை பயணித்தோம் ஒரு கிலோமீட்டர் தூரத்திற்குள் கங்கை யமுனை சரஸ்வதி மூன்றும் சங்கமம் ஆகும் இடம் இருக்கிறது. படகுக்கார்கள் சங்கமத்துறை அருகில் நிறுத்தி விடுகிறார்கள் அங்கு ஆழம் அதிகமில்லை.

மூங்கில் கம்புகளில் படகை கட்டி நிறுத்துகின்றனர். மற்ற படகோடு உராய்ந்தபடி நிற்பதால் படகு அதிகம் ஆட்டம் காணாமல் நிலையாக நிற்கிறது. நான்கு மூங்கில்களை நட்டு அதன் நடுவில் பலகையினால் மேடை அமைத்துள்ளனர். கீழே குதிக்க பயப்படுபவர்கள் மற்றும் பெண்கள் அந்த மேடையில் அமர்ந்தவாறு பிளாஸ்டிக் வாளீயினால் தண்ணீரை மொண்டு ஸ்நானம் செய்கிறார்கள். ஸ்நானம் செய்யும் போது சில்லென்றும் கதகதப்பாகவும் இருக்கிறது காரணம் கங்கை நீர் உடலில் படும்போது சில்லென்றும் யமுனை நீர் படும்போது கதகதப்பாகவும் இருப்பது புரிகிறது.

யாத்திரையை தொடங்கும போது முதலில் இராமேஸ்வரம் சென்று சகல கர்மாக்களையும் செய்து அங்குள்ள மணலில் ஒரு பிடி எடுத்த மணல் லிங்கத்தை திரிவேனியில் வேணி மாதவரான லிங்கத்தை கரைத்தோம். மணலை கரைத்துவிட்டு திரிவேணி சங்கமத்தில் ஸ்நானம் செய்தோம்

சங்கமத்தில் நீராடிய பின்னர் நாங்கள் கொண்டு சென்ற பிளாஸ்டிக் கேன்களில் சுத்த கங்கை நீரை கங்கை யமுனை சரஸ்வதி கூடுமிடத்தில் படகில் சென்று பிடித்து நிரப்பிக் கொண்டோம். நம் கையாலேயே நீரை நிரப்பி கொண்டு வந்து சொம்புகளில் விட்டு மூடி போட்டு அடைத்துக் கொண்டு வருவது மிகவும் விசேஷமானது. இராமேஸ்வரத்தில் ஸ்ரீ ராமநாதர் சுவாமிக்கு அபிஷேகத்திற்க்காகவும் உறவினர்களுக்கு கொடுக்கவும் வீட்டில் பூஜை செய்யவும் கங்கை நீரை பிரயகையிலிருந்துதான் எடுத்து செல்ல வேண்டும்.

பூஜைகள் முடிந்து திரும்பும்போது படகில் அமர்ந்து பொரி கடலை வாங்கிப் படகில் அமர்ந்தபடி மீன்களுக்கு உணவிடலாம். மலர் குங்குமம் வளையல் ஆகியவற்றை கங்காதேவிக்கு அர்ப்பணிக்கலாம். அந்த இடத்தில் விளங்கும் தூய்மையும் பக்தி உணர்வும் பக்தர்களின் நெஞ்சில் நிலைபெறுகின்றன.

ஸ்தலப் புரோஹிதர்கள் (பண்டாக்கள்) தங்களின் அடையாளச் சின்ன கொடி அங்கு வைத்துள்ளார்கள். இதனால் யாத்ரீகர்கள் தங்களின் தீர்த்த புரோஹிதர்களை அடையாளம் கண்டுகொள்ள வசதியாய் உள்ளது.

குழந்தை இல்லாதவர்கள் பால் அபிஷேகம் செய்து சங்கல்பம் கூறுகிறார்கள். அங்கேயே பால் விற்கிறார்கள்.

முக்கியமாக வட இந்தியர்கள் திரிவேணீ சங்கம ஸ்தலத்தில் முடி இறக்கிக் கொள்கின்றனர்.

2009-11-02T15:07:00.004+05:30

கணேசன் உஷா தம்பதிகள் வேநிதானம் செய்யும் காட்சி

வேணீதானம்: (கூந்தல் தானம்)

சுமங்கலி ஸ்திரீகள் வேணீ தானம் செய்கிறார்கள். சுமங்கலி ஸ்திரீகள் முதலில் தங்கள் கணவனுடன் திரிவேணீ கரையில் இதற்காகச் சங்கல்பம் செய்துகொண்ட உடன், மஞ்சள் பூசிக்கொண்டு ஸ்நானம் செய்தபின், கரையில் வந்து கணவனிடம் கூந்தல் தானம் செய்ய அனுமதி பெறுகிறாள். மனைவி கணவனை மாதவனாகக் கருதி வாழ்நாளில் தான் செய்யும் கடமைகளில் தான் செய்திருக்கக் கூடிய சிறு தவறுகளுக்கு மன்னிக்குமாறு வேண்டுகிறாள். இந்த இனிய கருத்துப் பரிமாரலில் தாம்பத்யம் புதிய பலத்தை பெறுகிறது. ஸ்நானம் செய்யும் சமயம், முடியைக் கட்டி முடித்து இருக்க வேண்டும்..வேறு எந்த ஷேத்திரதிலும் பெண்கள் தங்கள் கேசத்தை மழிப்பதோ கழிப்பதோ இல்லை த்ரிவேநிக்கு மட்டும் விதி விலக்கு.

கணவன் வேணீ தானத்திற்கான அனுமதி கொடுத்து, முடியின் நுனியில் மங்கள திரவியங்களைக் கட்டி, கணவன் மனைவிக்கு மூன்று கால் எடுத்துப் பின்னிவிட வேண்டும் பிறகு த்ரிவேநியையும் கத்திரிகோல்யும் பூஜிக்க வேண்டும் கத்திரிகோல் கூட ஒரு வகையில் த்ரிவேநிதான். கத்திரிகோல்ளின் இரு பகுதிகளாக கங்கையும் யமுனையும் இருக்கிறார்கள் இரண்டு பகுதிகளையும் இணைக்கும் ஆணி தான் சரஸ்வதி. முடியின் நுனியைக் கத்திரிக்கோலால் வெட்டி எடுத்து மனைவியின் கையில் கொடுக்கிறான். மனைவி இதை வழி பாட்டுக்குப்பின் பின்னலை முறத்தில் வைத்து வேநிதானம் செய்யவேண்டும். ஒரு சிறிய முறத்தில் சீப்பு, கண்ணாடி, குங்குமம், மஞ்சள், அரிசி, வெற்றிலை, பாக்கு, பழம் ரவிக்கை துணி, தட்சினை இவற்றை வைத்து மேலே ஒரு சிறிய முறத்தால் மூடி தானம் செய்து விட்டு தம்பதியர் இருவரும் நீராடி வரவேண்டும். திரிவேணிக்கு அர்ப்பணிக்கப்படும் அந்தக் கூந்தல் நீரில் மிதப்பதில்லை விர்ரென்று நீருக்குள் மூழ்கி மறைந்து விடுகிறது.

பிரயாகை (அலகாபாத்) ஷேத்திர மகிமை

2009-11-02T14:59:00.002+05:30

பிரயாகை (அலகாபாத்) ஷேத்திர மகிமை

பிரயாகையை ஸ்தாபித்து ஆரியர்கள் என அழைக்கப்படும் பிராமணர்கள் வாழ்ந்த பகுதி பிரயாகை. "prayagasya praveshshu papam Nashwati Tatkshanam." ப்ரயகச்ய பிரவேஷ்ஷு பாபம் நஷ்வடி த்க்ஸ்ஹநம் .".

சரஸ்வதி நதிக்கரையில் வாழ்ந்த அந்தணர்ககளின் சந்ததியினர், தங்களது மூதாதையர்களின் கொள்கைகளை பரப்புவதற்காக காஷ்மீர் முதல் கன்னியாகுமரி வரை இந்தியாவில் எல்லா மாநிலங்களிலும் வாழ்கிறார்கள். ஒன்பதனாயிரம் ஆண்டுகளாக பிராமணர்கள் இந்தியாவில் வாழ்ந்து வருவதை சரஸ்வதி நதி உறுதிப்படுத்துகிறது. வேத காலத்தில் கங்கை யமுனைக்கு மேற்க்கே ஓடிய நதி சரஸ்வதி நதி தற்போது வரண்டுள்ளது ஆயினும் 4000 ஆண்டுகளுக்கு முன்பு கம்பீரமாக ஓடிய நதி சரஸ்வதி நதி.

பிரயாகையிலிருந்து காசி 125 km தொலைவில் உள்ளது

முதலில் பிரயாகை அடுத்து காசி மூன்றாவதாக கயாவிற்க்கு வந்து சிராத்தம் முடிக்கவேண்டும் காரணம் என்னவென்றால் இல்லங்களில் மூதாதையருக்கு திதி கொடுக்கும்போது அட்சய வடம் என்ற சொல் குறிப்பிடப்படுகிறது.அகரம் மத்யம் மூலம் என்றும் கூறப்படுகிறது. அட்சயவடம் என்ற ஆலமரம் கயாவில் காணப்படுறது. இந்த ஆலமரத்தின் மூல வேர் பிரயாகையில் இருக்கிறது. நடுப்பாகம் மத்யம் காசியில் உள்ளது. நுனிப்பாகம் அகரம் கயாவில் உள்ளது. இந்த மூன்று ஸ்தலங்களையும் இந்த ஆலமரம் இணைத்து வைக்கிறது.

பெரு வேள்வி கண்ட பூமியே பிரயாகை, தீர்த்த ஸ்தலத்தில், முக்கியமாக உபவாசம், ஜபம், தானம், பூஜை, பாராயணம் முதலியவை அனுஷ்டிக்கப்படுகின்றன.

கங்கை, யமுனை, ஸரஸ்வதீ ஆகிய மூன்று புனித நதிகளின் த்ரிவேணீ சங்கமத்தில் ஸ்நானம் செய்கிறவர்கள் பிரஹ்ம பதத்தை அடைகின்றனர்.

2009-10-30T23:30:00.003+05:30

கயாவில் தரிசிக்கவேண்டியவை

பல்குனி நதியில் நீரிருந்தால் நீராடுதல்

விஷ்ணு பாத கோயிலில் பிண்டமிடுதல்

சுவாமி தரிசனம் செய்தல்

அட்சய வடம் சென்று பிண்டமளிதல்

தானம் செய்தல்

பிராமன போஜனம் செய்வித்தல்

அட்சய வட்டத்தில் பிராமணரிடம் திருப்தி கூறி ஆசி பெறுதல்

காய் பழம் இலை மூன்றையும் விடுதல்

அருகிலுள்ள புத்த கயா சென்று புத்த விசாரங்களை தரிசித்தல்
புண்ணியமான சிராத்த விதியை யார் எழுதுகிறார்களோ, யார் படிக்கிறார்களோ, அவர்கள் சர்வ அதிஷ்டங்களையும் அடைகிறார்கள். நிச்சயமாய் புனர் ஜன்மம் இல்லாதவர்கள். சிராத்திற்கு திருப்தி அடைந்த பித்ருக்கள் கர்த்தாவுக்கு ஆயுள், புத்தி, தனம், வித்தை, ஸ்வர்கம், மோஷம், ராஜ்யம், புத்ரபலம் முதலானவைகளை கொடுக்கிறார்கள்.

2009-10-30T23:20:00.004+05:30

கயா தானம் அளிப்பதின் பலன்

அன்ன தானம்-தரித்திரமும் கடனும் நீங்கும்.

வஸ்திர தானம்-ஆயுள் விருத்தி ஆகும்.

கோ தானம்-ரிஷிக்கடன் தேவகடன் பிதுர் கடன் அகலும்.

தீப தானம்-கண் பார்வையை தீர்க்கமாக்கும்

அரிசி தானம்-பாபங்களை போக்குகிறது

நெய்த் தானம்- நோய் தீர்க்கும்

தேங்காய் தானம்-நினைத்த காரியம் வெற்றியாகும்

பழங்கள் தானம்-புத்தியும் சித்தியும் கிட்டும்

2009-10-30T23:16:00.002+05:30

கயா-சுற்றுலா ரயில் சேவை
சுற்றுலா ரயில் சேவையை இந்திய ரயில்வே உணவு மற்றும் சுற்றுலா கழகம் (ஐஆர்சிடிசி) இயக்குகிறது. "பாரத தரிசனம்' என்ற இச் சுற்றுலா ரயில் மதுரையில் இருந்து புறப்படுகிறது.

காசி, கயா, அலாகாபாத் உள்ளிட்ட பல்வேறு புண்ணியத் தலங்களுக்கு இந்த ரயில் சேவை இயக்கப்படும். 9 நாள்கள் கொணட இந்த யாத்திரைக்கு கட்டணம் நபருக்கு ரூ.4,620 மட்டுமே. இதில் பக்தர்களுக்கு 3 வேளை தென்னிந்திய சைவ உணவு, காலையில் காபி, உள்ளூர் சுற்றிப் பார்த்தல், தங்கும் இடம், மேலாளர், பாதுகாவலர் உள்ளிட்ட வசதிகள் அடங்கும்.
இந்த யாத்திரைக்கு முன்பதிவு செய்ய ஐஆர்சிடிசி அங்கீகாரம் பெற்ற டிராவல் டைம்ஸ் (இந்தியா) நிறுவனத்தை தொடர்பு கொளளலாம். இதற்கான தொ.பே. எண்கள்:சென்னை-28461131,28461113,9790926956. மதுரை- 0452-4391228, 9003933269.

கோயம்புத்தூர்-0422-2496667, 9345796778.

2009-10-30T23:13:00.003+05:30

http://www.gaya.bih.nic.in

கயா மாவட்டத்தில் உள்ள கோவில்களின் தரிசன நேரம், புகைப்பட காட்சிகளும் சாஸ்த்ரிகளின் பெயர், போன் நம்பர், விழாக் காலங்களில் அமுல் படுத்தும் நடைமுறை என அனைத்தையும் அறிய மேற்க்கண்ட வலைத்தளத்தில் காணலாம். பிண்டதானம் செய்யும் நேரமும் கட்டணமும் அறியலாம்.

2009-10-30T23:08:00.003+05:30

கயா ஷேத்திர மகிமை

முதலில் பிரயாகை-அடுத்து காசி-மூன்றாவதாக கயாவிற்க்கு வந்து சிரார்த்தம் முடிக்கவேண்டும் காரணம் என்னவென்றால் இல்லங்களில் மூதாதையருக்கு திதி கொடுக்கும்போது அட்சய வடம் என்ற சொல் குறிப்பிடப்படுகிறது.அகரம் மத்யம் மூலம் என்றும் கூறப்படுகிறது. அட்சயவடம் என்ற ஆலமரம் கயாவில் காணப்படுறது. இந்த ஆலமரத்தின் மூல வேர் பிரயாகையில் இருக்கிறது. நடுப்பாகம் மத்யம் காசியில் உள்ளது. நுனிப்பாகம் அகரம் கயாவில் உள்ளது. இந்த மூன்று ஸ்தலங்களையும் இந்த ஆலமரம் இணைத்து வைக்கிறது.

கயாவில்சிரார்த்தம்: செய்வதில் உள்ள விசேஷம் பிரம்மனின் வரம் பெற்ற கயாசுரன் என்ற அசுரன் தன உடலைத் தொட்டவர்கள் அனைவரும் சொர்க்கம் சேர வேண்டும் என்று மகாவிஷ்ணுவிடம் வேண்டினான். அவரும் வரத்தை தரவே விபரீத பலனாக நல்லவர் கேட்டவர் யாராயிருப்பினும் கயாசுரன் மீது பட்டு சொர்க்கம் அடைந்தனர். அதனால் புண்ணியம் செய்தவர் செய்யாதவர் எல்லாம் ஒன்றாகி விட்டது .அதனால் மகாவிஷ்ணுவை சரணடைந்து தேவர்கள் வரத்தை திரும்ப பெற கோரினர்.

விஷ்ணுவும் கயாசுரன் சிரசில் தமது பாதத்தை வைத்து அழுத்தி பாதாளலோகத்திற்கு அனுப்பிவிட்டார் .விஷ்ணு பாதம் பட்டதால் கயாசுரன்

புனிதமாகி விஷ்ணுவிடம் வரம் கேட்டார். உலகில் மகனாகப் பிறந்தவன் பெற்றோர் உயிருடன் இருக்கும் வரை அவர்கள் மனம் கோணாமல் நடக்க வேண்டும். பெற்றோர் காலமான பிறகு அவர்களுக்கு திதி கொடுத்து அன்னதானம் செய்ய வேண்டும்.

என் சரீரமாகிய இந்த இடத்திற்கு வந்து பல்குனி நதி, விஷ்ணு பாதம், அட்சய வடம் ஆகிய மூன்று முக்கிய இடங்களில் பதவி அடைய வேண்டி வரம் கேட்டார். அதனால் கயாசுரனின் உடலான கயா புனித ஸ்தலமாக விளங்குகின்றது. பல்குனி நதி, விஷ்ணு பாதம் ஆகிய இடங்களில் இரண்ய சிரார்த்தம், அட்சய வடத்தில் அன்ன சிரார்த்தமும் செய்ய வேண்டும்.

2009-10-30T23:04:00.003+05:30

புத்த கயாவில் 300 அடி உயரமுள்ள விஷால் புத்தர் மந்திர் அருகில் எங்கள் குழுவினர் கோபாலன் ஜெயலக்ஷ்மி தம்பதியினருடன்

கயா-புத்த கயா

முக்கியமான சில பௌத்த மடாலயங்களை தரிசித்து மன நிம்மதி அடைந்தோம். தியானம் செய்யத் தோன்றும் வசீகரமான இடம். பல பௌத்த பிட்சுக்கள் நடமாடிய இடங்களில் நாமும் நடக்கிறோம் என்பதே மகிழ்ச்சி. பல்வேறு நாட்டை சேர்ந்தவர்கள் பெளத்த பிரகாரங்கள் அவர்கள் நாட்டின் சம்பிரதாயப்படி கலை யழகு மிளிர கட்டியுள்ளதை பார்த்து ரசிக்க நேரம் தான் போதவில்லை.

2009-10-30T22:45:00.008+05:30

பிண்டதானம்-கயா-அஷய வடம் (ஆலமரம்)

பின்னர் ஒரு ஆட்டோ மூலம் அஷய வடம் சென்றோம். சிறிது உயரமான குன்றின் மீது அமைந்துள்ளதால் படிகள் மீது ஏறி அஷய வடம் சென்றோம். சாஸ்திரிகள் எங்களுடனே வந்தார்.

அஷய வடத்தின் இலைகள் இலையுதிர்காலத்தில் கூட பசுமையாக உள்ளது

அஷய வடம் மரத்திற்கு அடியில் விக்கிரகங்கள் இருக்கின்றன. மரத்தை வலம் வந்து அதனடியில் அமர்ந்து காரியங்களை செய்யவேண்டும்.

மூன்றாவது கலசத்திலிருந்து தயாரித்த 64 பிண்டங்களிலிருந்து ஒரு பிண்டத்தை மட்டும் காகத்திற்கு வைத்தோம். அதுவரை தென்படாத ஒரு காகம் நாங்கள் பிண்டம் வைத்தவுடன் ஓடோடி வந்து பிண்டத்தை ரசித்து சாப்பிட்டது. அமாவாசை தர்ப்பணத்தின் போது கா கா என்று கத்தி வரும் காகம் அன்று கத்தாமலே வந்தது மட்டுமின்றி, ரசித்து சாப்பிட்டது. எங்கள் மூதாதையர் அவர் வடிவில் வந்து உணவருந்தி எங்களை ஆசீர்வதிததாக சந்தோஷமடைந்தோம். அஷய வடத்தில் படைக்கப்படும் பிண்டத்தை காகம் கிழக்கே எடுத்தால் செல்வம் பெருகும் என்று நம்பப்படுகிறது.

பொதுவாக சிரார்த்தத்தில் பெற்றோர்க்கும் மூதாதையருக்கும் தான் செய்வது வழக்கம். சாஸ்திரிகள் சங்கல்ப தர்ப்பண சிரார்த்த மந்திரங்கள் சொன்னபடி நாங்களும் எங்கள் எனது வழி எனது மனைவி வழி மூதாதையர்கள் அனைவருக்கும் தாய் வழி தகப்பனார் வழி உடன் பிறந்தோர் சகோதர சகோதரிகள் அத்தை மாமா சித்தி சித்தப்பா என அணைத்து உறவு முறையினருக்கும் தனி தனியாக பெயர் கூறியும் பெயர் தெரியாவிடின் உறவு சொல்லியும் நமக்கு தெரிந்தும் தெரியாமலும் உறவினர்கள் விபத்தினாலோ குறைப்பிரசவத்தலோ மரித்திருப்பின் அவர்களுக்கும் மற்றும் நண்பர்கள் வளர்ப்பு பிராணிகள் - நாங்கள் எங்களது உயிருக்கு உயிராக வளர்த்த Scooby யும் எங்கள் மேல் அளவு கடந்த பாசம் வைத்து உற்ற நண்பனாக இருந்து உயிர் நீத்த Scooby க்காக மீதியிருந்த 63 பிண்டங்களிலிருந்து பிண்டம் அளித்தோம்.

மூதாதையர்கள் அனைவரும் ஸ்வர்க்கத்தில் நீர், உணவு, ஆசை, பற்று இன்றி மறுபிரப்பின்றி, முக்தி அடையவேண்டி பிரார்த்தனை செய்து அங்குள்ள பிராம்னர்களுக்கு தானம் அளித்தோம். அவர்களும் மிகுந்த திருப்தியுடன் திருப்தி திருப்தி திருப்தி என்று சொல்லி ஆசீர்வதித்தனர்.

இந்த புனித யாத்திரையை மேற்கொண்டவர்கள் காமம், குரோதம், மோகம் ஆகிய மூன்று பற்றுகளை விட்டு விட்டதன் அடையாளமாக ஒரு காய், ஒரு பழம், ஒரு இலை ஆகியவற்றை மந்திரத்தை சொல்லி இங்கு துறந்தோம். பிறகு அவற்றை வாழ்நாளில் பயன்படுத்தக்கூடாது.

அஷயவடதிலுள்ள பண்டாக்களுக்கும், பிராமனர்களுக்கும் தானம் செய்தபின்னர் அருகிலுள்ள வியாபாரி குழைந்தைகளும் வந்து சேர்த்தனர், அவர்களுக்கும் தானமளித்தோம்.

பின்னர் நேராக சாஸ்த்ரிகள் வீட்டிற்கு வந்தோம். உணவு சாஸ்திரிகள் வீட்டிலேயே தயாரித்திருந்தனர். பிராமன போஜனம் இரண்டு நபர்களுக்கு செய்வித்து தானம், தட்சணையும் அளித்தோம். மூதாதையருக்கு உணவளித்தது போன்ற திருப்தி ஏற்ப்பட்டது. பின்னர் சாஸ்த்ரிகளுக்கு சம்பாவனை செய்து ஆசி பெற்று நாங்களும் போஜனம் செய்தபின்னர் மடத்திற்கு வந்து சிரமபரிகாரம் செய்தபின்னர் 4.00 மணிக்கு புத்த கயா சென்றோம்.

2009-10-30T22:39:00.005+05:30

பிண்டதானம்-கயா விஷ்ணு பாதம்

பின்னர் உடலை சுத்தம் செய்து கொண்ட பின்னர் மறுபடியும் பிண்டதானம் தர்ப்பணம் செய்தோம். இதில் எனது மனைவி இரண்டாவது கலச அவிசிலிருந்து 42 பிண்டங்கள் தயாரித்து கொடுக்க இந்த தடவை எனது மற்றும் எனது மனைவி வழி உறவினர்கள் அனைவரின் பெயர் கூறி பிண்டம் அளித்தோம். ஜபம், தர்ப்பணம் சங்கல்பம், சிரார்த்தம் அனைத்தும் முடிந்த பின்னர் பிரமணர்களுக்கு தானமாக 9 கச வேஷ்டி அங்கவஸ்திரம், தர்ப்பணம் செய்ய பித்தளை செம்பு, பஞச பாத்திரம், உத்திரினி, வேத புஷ்தகங்கள், பூணூல், ரவிக்கை துண்டு, குடை, விசிறி, தாம்பாளம், தட்சனை என அவருக்கு தம்பதியராக நமஸ்கரித்து தானம் அளித்தோம். அவரும் அவற்றை ஏற்றுக்கொண்டு எங்களை ஆசீர்வதித்தார்.
பின்னர் சுத்தி செய்து கொண்டு விஷ்ணு பாதம் சென்று விஷ்ணுவை ஆராதித்து நமஸ்கரித்த பின்னர் 42 பிண்டங்களையும் விஷ்ணு பாதத்தில் சமர்ப்பித்து ஆசி வேண்டினோம். விஷ்ணு பாதம் வெள்ளியினால் செய்த தொட்டியில் என் கோண வடிவில் அமைந்துள்ளது. சுவாமி தரிசனம் முடித்த பின்னர் அங்குள்ள பிரகாரத்தில் அமைந்துள்ள மண்டபத்தில் ஆண்கள் மட்டும் ஹோமம் வளர்த்து மறைந்த முன்னோர்கள் அனைவரின் பெயரையும் கூறி சிரார்த்தம் செய்தோம். எனது மனைவி அஷய வட்டத்தில் பிண்டம் போடுவதற்க்காக அங்குள்ள மண்டபத்தில் அமர்ந்து மூன்றாவது கலசத்திலிருந்து 64 பிண்டங்கள் தயாரித்தாள். ஹோமம முடிந்து கடவுளை நமஸ்கரித்த பின்னர் அங்குள்ள பண்டாகளுக்கு தானம் செய்தோம்.

ஆலயத்தில் கதாதரர் வடிவில் மகாவிஷ்ணுவை தரிசிக்கலாம். விஷ்ணு பாதம் தரிசித்து சபா மண்டபம் அருகில் சிவனும் லஷ்மியும் கோவில் கொண்டுள்ளார்கள். கதாதரர் நரசிம்மர் கயாஸ்வரி ஆகிய கடவுள்களும் உள்ளனர்.

2009-10-30T22:32:00.003+05:30

தந்தை சீத்தாராம அய்யர்-தாயார் திரிபுரசுந்தரி

பிண்டதானம்-கயா பல்குனி நதி

அவசர காலத்தை முன்னிட்டு ஒரே நாளில் செய்கின்ற நிலை உருவாகியுள்ளது அதனால் பஞ்சசிராத்தம் பல்குனி, விஷ்ணு பாதம், அஷய வடம் முதலியவற்றில் செய்தோம். நாங்கள் ஆறு நபர்கள் பிராமண சிரார்த்தம் செய்ய இருந்ததால் அவருடைய சிஷ்யரை எங்களுடன் அனுப்பி சிரார்த்த காரியங்களை கவனிக்குமாறு கூறினார். நாங்கள் பல்குனி நதியில் நீராட சென்றோம் அங்கு சென்று பார்த்தபின்பு தான் தெரிந்தது பல்குனி நதியில் நீர் ஒட்டம் இல்லை என்பதும் சிறிய வாய்க்கால் மாதிரி தண்ணீர் இருந்தது அதில் குளிக்க முடியாது என்பதையும் அறிந்தோம். பல இடங்களில் ஊற்று நீரை தேக்கி வைத்திருந்தார்கள். நாங்கள் ஆற்றின் வாய்க்காலிலிருந்து தெளிந்த நீரை ஒரு பித்தளை செம்பு பாத்திரத்தில் பிடித்துக் கொண்டு நீராடியதாக பாவித்து ப்ரோச்சனம் செய்து கொண்டோம்.

பின்னர் பல்குனி நீருடன் ஆற்றின் படி எறி முன்னால் உள்ள மண்டபத்தில் அமர்ந்து சங்கல்பம், தர்ப்பணம் செய்தோம். பின்னர் அருகிலுள்ள மண்டபத்தில் சுந்தரமுர்த்தி ஆகிய நானும் எனது தர்மபத்தினி பத்மாவதியும் மூன்று மண் கலசங்கள் தனித்தனியாக வைத்து கீழே அக்நி தயார் செய்து மண் கலசத்தில் அவிஸ்/பிண்டம் தயாரிக்க அதில் பல்குனி ஆற்று நீரை ஊற்றி, அரிசியிட்டு சாதம் நன்கு வெந்தவுடன் ஒரு கலசத்தை மட்டும் எடுத்து வந்து விஷ்ணு பாதத்தின் முன்புறம் அமைந்துள்ள சிரார்த்தம் செய்வதற்க்காக கட்டப்பட்டுள்ள மண்டபத்தில் அமர்ந்தோம்.

சாஸ்திரிகள் ஒவ்வொரு நபருக்கும் தனித்தனியாக தர்ப்பணங்கள் செய்வித்த பின்னர் நாங்கள் தயாரித்து கொண்டு சென்ற அவிசிலிருந்து எனது தர்மபத்தினி பிண்டங்கள் தயாரித்து கொடுக்க நான் எங்கள் தந்தை சீத்தாராம அய்யர்-தாயார் திரிபுரசுந்தரி அவர்களுக்கும் அவர்களது முன்னோர் மூன்று தலைமுறைகளுக்கும் எனது மனைவி பரம்பறையில் மூன்று தலை முறைகளுக்கும் பித்ரு தர்ப்பணம் செய்து பிண்டம் போட்டு அவர்கள் நிம்மதியுடன் சொர்க்கத்தில் வாழ்ந்து எங்கள் தலைமுறையினரை நல்ல தேக ஆரோக்கியத்துடனும் செல்வசெழிப்புடனும் வாழ அவர்கள் ஆசியை கோரி பிரார்த்தனைகள் செய்து பிண்டம் அளித்தோம்.

பிண்ட தர்ப்பணம் செய்து முடித்தவுடன் அவற்றை பல்குனி நதியில் விடவேண்டும் ஆனால் நதியில் நீரில்லாததால் கோவிலில் இருந்த பசு மாட்டிற்கு இந்த பிண்டங்களை அளித்தோம். பசு மாடும் பிண்டம் போட்டவுடன் விரும்பி அனைத்தையும் சாப்பிட்டது எங்கள் பித்ருக்கள் பசு மூலமாக வந்து எங்களை ஆசீர்வதித்ததாக மகிழ்ச்சி அடைந்தோம்.
நாங்கள் முன்னதாகவே வழக்கமாக அமாவாசை தர்ப்பணம் செய்யும் போது மேற்கண்ட முன்னோர்களின் பெயர்களை கூறி தர்ப்பணம் செய்வதால் அனைத்தும் ஞாபகத்தில் இருந்து செய்தோம். பின்னால் மற்ற அனைவருக்கும் தர்ப்பணம் செய்யும்போது பெயர் மறந்து விடாமல் இருக்க எங்கள் உறவினரிடம் கேட்டு மறைந்த முன்னோர்கள் பெயரை கம்ப்யூட்டரில் பதிவு செய்து தண்ணீர் படாமல் இருக்க லேமினாடிட் செய்து கொண்டு போயிருந்தோம். எங்கள் குழுவில் மற்றவர்கள் யாரும் இது போல் கடை பிடிக்காதனால் சிறிது சிரமப்பட்டார்கள்.

2009-10-30T22:30:00.001+05:30

ஆத்மபிண்டம்

தனக்காக விஷ்ணு பாதத்தில் போட்டு ஒப்படைக்கலாம் ஆனால் இதன்பின்னர் இருப்பிடம் சேரலாகாது காசியிலே காலத்தை கழிக்கவேண்டும் தெரியாமல் சிலர் ஆத்மபிண்டம் போட்டபின்னர் ஊர் திரும்பினால் அவரது பாபம் வீட்டில் வாழும் மற்றவர்களை பாபம் பற்றிக்கொள்ளும் அதனால் தற்போது ஆத்மபிண்டம் செய்விக்கும் சாஸ்திரிகள் யாரும் கயையில் இல்லை.

2009-10-30T22:27:00.003+05:30

கயா சிராத்தம்

கயா ரயில் நிலையத்திலிருந்து ஒரு பஸ் மூலமாக விஷ்ணு பாதத்திற்கு அருகிலிருந்த மடத்திற்கு காலை 6.00 மணிக்கு வந்து சேர்ந்தோம். சிறிது சிரமபர்காரம் செய்து கொண்டு பின்னர் அங்கேயே குளித்து ஆண்கள் பஞ்சகச்சமும் பெண்கள் மடிசார் கட்டியும் பிண்ட பிரதான சிரார்த்தம் செய்ய ரெடியானோம். 8.00 மணிக்கு சாஸ்திரிகள் வந்து கயா மகாத்மியம் பற்றி அனைவருக்கும் விபரமாக கூறினார். பிராமணர்- பிராமணர் அல்லாதோர் இருவரும் செய்யவேண்டிய சிரார்த்த முறைகள் பற்றி விபரமாக கூறினார்.

2009-10-30T22:23:00.004+05:30

சிரார்த்தங்களை செய்வதால் ஏற்ப்படும் நன்மைகள்.

இந்து மதத்தை சார்ந்த ஒவ்வொருவரும் தனது வாழ்நாளில் செய்யவேண்டிய முக்கியமான கடமை, காசிக்கு சென்று கங்கா ஸ்நானம் செய்வது.அவ்வாறு செல்லும்போது காசி-பிரயாகை-கயா ஆகிய மூன்று புண்ணிய ஸ்தலங்களிலும் பித்ருக்களுக்கு செய்யவேண்டிய கடமைகளை செய்வது.

தாய் தந்தையர் மற்றும் மூதாதையருக்கு உயிருடன் இருக்கும் போது பணிவிடை செய்து சேவை செய்ய வேண்டும். அவர்கள் உலகை விட்டுப் போன பின்னர் அவர்களுக்காக சாஸ்திரம் கூறியுள்ளபடி தர்ப்பணம், சிரார்த்தம் ஆகியவற்றை தவறாமல் செய்ய வேண்டும். பித்ருக்களிடம் நாம் காட்டும் நன்றியிலும் அவர்களுக்கு செய்யும் கடமைகளிலும் சிரத்தை இருக்க வேண்டியது முக்கியம். இதனாலேயே இதனை சிராத்தம் என்று அழைக்கிறோம்.

மனித யக்ஞம்: மனிதனாகப் பிறந்த எல்லோரும் தங்களுடைய முன்னோர்கள், தெய்வம் இவர்களுக்கு நன்றி தெரிவிக்க வேண்டும். இதுவே பித்ரு கடன், தேவகாரியம் என்பவை. நம்முடன் வாழும் மக்களுக்கு நம்மால் ஆனதை செய்யவேண்டும். குறைந்தது ஒரு அதிதிக்கு உணவளிக்கவேண்டும், இது மனித யக்ஞம்.

பிரம்மயக்ஞம்: என்பது வேதம் ஓதுவதும் ஒதுவிப்பதுமே. இது மனித குல நன்மைக்காக அந்தணர்கள் மட்டும் செய்யவேண்டியது.

பூத யக்ஞம் மனிதனாக இல்லாத மிருகங்கள் கூட அன்பைத் தெரிவித்து உணவு ஊட்டுவது பூத யக்ஞம்.

ஆக மனிதனாகப்பட்டவன் மனிதயக்ஞம், பிரம்மயக்ஞம், பித்ருயக்ஞம், பூத யக்ஞம் ஆகிய கடமைகளை கட்டாயம் செய்தாக வேண்டும்.

எப்போதும் நம்மை வாழ்த்துகின்ற பித்ருக்களுக்கு திருப்தி, போஜனம் எங்கு நடந்தாலும் திருப்தி அடைகின்ற ச்வர்க்கவாசிகளான தேவர்கள், பிண்டதானத்தால் திருப்தியைப்பெற இயலாத நரகவாசிகள், பித்ருலோகம் அடைய இயலாத நிலையில் உள்ளவர், காக்கைக்குப் பிண்டம் அளிப்பதால் நாம் அறிந்திராத பித்ருக்கள் எனப்பலர் திருப்தி அடைகின்றனர். அவர்களது திருப்தியின் பலனாக சிரார்த்தம் செய்பவருக்கு நோயற்ற சந்ததி, செல்வம், வம்சவிருத்தி ஆரோகியம், ஞானம், இம்மை, மறுமையில் மேன்மை இவைகளும் கிடைக்கின்றன.

வருட சிரார்த்தம் செய்யும்போது விசுவதேவர் இலையில் அமர்ந்திருப்பவருக்கு அன்னம் பரிமாரசெய்து பகவான் ஜனார்த்தனர் ஸ்ரீ ஹரி திருப்தி அடையட்டும் என்று பித்ருதீர்த்த முறையில் தர்ப்பத்தில் விட்டு கயை சிரார்த்தம் அஷ்யவடம் என்று கயை ஷேத்ரத்தை முமமுறை கய கய கய என்று ஸ்மரிக்கிறோம் .

அன்னையும் பிதாவும் இவ்வுலகை நீத்தபின் அவர்களிடம் நாம் கொண்டுள்ள நன்றி உணர்வை வெளிப்படுதுதலே சிராத்தம். பெற்றோரை குறித்து சிரார்த்தம் செய்யும் பொது நமது முந்தைய மூன்று தலை முறைகளையும் நினைவு கூர்கிறோம் நம் முன்னோர்கள் நம் வம்சத்தில் யாரவது ஒருவராவது கயைக்கு வந்து நம்மைக் கரையேற்ற மாட்டார்களா என்று காத்திருப்பார்களாம் காரணம் கயாசுரன் பெற்ற வரம் தான்.

கயையில் பிரமணர்களை கொண்டுதான் சிரார்த்தம் செய்விக்கப்படுகிறது.

கயா ஷேத்திரம்

2009-10-30T22:18:00.002+05:30

கயா ஷேத்திரம்

தகப்பனார் இல்லாதவர்கள் மட்டும் தான் கயாவில் சிரார்த்தம் செய்ய வேண்டும் மற்றவர்கள் கடவுளை தரிசனம் செய்யலாம்.

கயா பீகார் மாநிலத்திலுள்ள கயா மாவட்டத் தலைநகர். பாட்னாவில்ருந்து 91 KM தொலைவில் அமைந்துள்ளது. காசியிலிருந்து கயா 230 km தொலைவில் உள்ளது. கயா ரயில் நிலையத்திலிருந்து 5 km தூரத்தில் பல்குனி நதிக் கரையில் அமைந்துள்ள விஷ்ணு கோயில் அழகான சிறிய நகர். இந்தி மொழி பிரதானமாக பேசினாலும் மற்ற மொழிகளை அறிந்து கொண்டு பதிலளிகின்றனர். சிலர் தமிழிலும் ஓரளவிற்கு பேசுகின்றனர். பாஷை முக்கியமில்லை.

வைஷ்ணவத் ஸ்தலங்களில் விஷ்னுபாத கோவில் மிகவும் புனிதமானது முன்னோர்களுக்கு பிண்டதானம் அளிக்க முக்கியமான ஸ்தலம். பல்குனி நதிக்கரையில் விஷ்ணு பகவான் ஆலயம் அமைந்துள்ளது.

கயா ஷேத்திரத்தில் அனைத்துத் தீர்த்தங்களின் சாந்நித்தியம் உள்ளது.இங்கு தங்கி நீத்தார் கடன் இயற்ற பல வசதியான தங்குமிடங்கள் விஷ்ணு பாத கோவில் அருகிலேயே உள்ளன. கயாவில் நீத்தார் கடன் செய்தால் முன்னோர்கள் முக்தியடைகிறார்கள் என்பது ஐதீகம். கயாவில் வருடம் முழுவதும் 365 நாட்களும் பித்ரு சிரார்த்தம் செய்விக்கப்படுகிறது.

கயாபுரி என்கிற கயாவில் ராமர் சீதை லக்ஷ்மனருடன் வந்து தனது தகப்பனார் தசரதருக்கு பிண்ட தானமளித்த வரலாறு அறிந்ததே.

Hindu Temples Online from Karma India#

2009-10-21T00:01:00.000+05:30

Hindu Temples Online from Karma India#

2009-10-12T00:20:00.005+05:30

காசி பட்டு

காசி பட்டு- பனாரஸ் பட்டு வட நாட்டினர் பனாரஸ் பட்டு புடவை கட்டி திருமணம் செய்வது சிறப்பான ஒன்று. காசிப்பட்டு காசியில் நெய்யப்படும் புடவைகள் மிகவும் உயர்தரமானவை. மதிப்பிர்க்கேற்றவாறு அதன் தரமும் மாறுபடுகிறது. பெரும்பாலும் முஹம்மதிய சமுதாயத்தாரால் நெய்யப்படுகிறது.

உணவு

உணவு தயிர் கத்தி போன்ற கரண்டியால் தான் வெட்டித்தருகின்றனர் அந்த அளவிற்கு திடமாகவும், சுவையாகவும் உள்ளது.இங்கு அளிக்கப்படும் லெஸ்சி மிகவும் சுவையாகவும், விலை மலிவாகவும் உள்ளது. மன்கோப்பையில் தரும் கொதிக்கும் டி, காபி, பாலினால் தயாரிக்கப்பட்ட இனிப்புகள், இனிப்பு புளிப்புடன் கூடிய ஜிலேபி, பாதுஷா வகைகள், இனிப்புகள் அனைத்தும் காலை டிபனுடேன் சாப்பிடுகின்றனர். இட்லி, தோசை, பூரி சப்பாத்தி ஆகிய தென் இந்திய உணவுகளும், சட்னி சாம்பாருடன், சுவையாக் கிடைக்கிறது.

காசியில் இறப்போர்க்கு மட்டுமின்றி காசிக்கு வெளியில் தொலைவில் இறந்திருந்தாலும் அவரது அஸ்தியை காசியில் கங்கையில் கரைத்து ஈமக்கிரியைகள் செய்தவுடன் அவர்களுக்கும் முக்தி கிடைக்கிறது.

சமஸ்கிருத மொழி கற்றுக் கொள்ள நாட்டின் பல பாகங்களிலிருந்து பெரும்பாலோனர் வந்து கற்றுக் கொள்கிறார்கள். இதற்கான சமஸ்கிருத பல்கலைக் கழகம் உள்ளது. வேதம் கற்று புலமை பெற்றுள்ள பண்டிதர்களை தரிசிக்கும் பாக்யம் பெறுகிறோம். பல மதத்தவர் பல்வேறு மொழி பேசும் யாத்ரீகர்கள் வருகை புரிகின்றனர்.

புத்த மதத்தினருக்கும் காசி சிறப்புத் தலம். ஞானம் பெற்ற புத்தர் முதல் போதனையை இங்கே தான் துவக்கினார். மகாவீரருக்கு முன்னோடியான தீர்த்தங்கர பரஸ்வநாதர் அவதரித்த இடம் ஆதலால் ஜெயினர்களுக்கு புண்ணிய இடம்.

காசியில் பக்தர்களிடம் மக்கள் காட்டும் அன்பும் பரிவும் பக்தியும் அதிகம்.

தெருவில் கேட்பாரற்று திரியும் பசுக்களும் நம்மைக்கண்டு மிரல்வதில்லை. சிறிய சந்துகளிலெல்லாம் நின்று கொண்டோ அல்லது படுத்துக்கொண்டோ இருக்கும். மனிதர்களை கண்டால் வழி விடுகிறது. சாயந்திரமானால் பசுவின் பாலை கறந்து விட்டு மறுபடியும் மேய விட்டு விடுகிறார்கள். பசுவிற்கு உணவு அல்லது நீர் தேவையானால் அது வீட்டு வாசலில் அல்லது மடாலயத்தின் வாசலில் வந்து நின்று தேவை பூர்த்தியாகும் வரை இருந்து பின் செல்கிறது.

காசிக்கு சென்ற பலன் பாவங்களை போக்கி மனிதனைக் குற்ற உணர்விலிருந்து மீட்டெடுத்து அவனது எஞ்சிய வாழ்வை அவனுக்கும் பிறருக்கும் பயனுள்ளதாக நல்வழியில் செலுத்தத்தக்க சக்தி கொண்டது தான் காசித்தலமும் கங்கைக்கரையும்.

பொருள் இல்லாதவர்களால் முடியாது பொருள் இருந்தும் அவர்களுக்கு பிராப்தி இருந்தால் தான் காசி பயணம் செல்ல முடியும்.

செப்புக் கலசத்தில் அடைக்கப்பட்ட கங்கை நீர் எத்தனை வருடங்கள் ஆனாலும் சிறிதும் கெடாமல் நன்றாகவே இருப்பது காசி ஸ்தலத்தின் மகிமைக்கு ஓர் எடுத்துக்காட்டு.

காசியில் உதய சூரியனை ஆராதிப்பதர்க்காகவே அதிகாலையில்/ மாலையில் கங்கையில் நீராடி பிரார்த்தனை செய்து புண்ணியம் பெற பக்தர்கள் விழைகின்றனர். ஓம் நமச்சிவாய ஜெய ஜெய சிவஷங்கர் என்கிற கோஷம் எந்நேரமும் ஒலித்துக் கொண்டேயிருக்கிறது

காசி ஷேத்திரத்தில் ஒவ்வொரு வீதியிலும் தெருவுக்குத் தெரு கோவில்களும் புண்ணிய தீர்த்தங்களும், புண்ணிய மடாலயங்களும் உள்ளன. சுமாராக இரண்டாயிரம் கோவில்களுக்கு மேல் காசியில் உள்ளது. காசியில் சந்துகள் எல்லாம் கங்கை கரையை நோக்கியே செல்கிறது.

சைக்கிள் ரிக்க்ஷா அதிகம் உள்ள நகரம். சிறிய சந்துகளில் பயணிக்க காசி மாநகரை முழுமையாக காண சைக்கிள் ரிக்க்ஷா தான் ஏற்றது. பெரும்பாலும் சாதரண மக்கள், யாத்ரீகர்கள் இதில் தான் பயணிக்கின்றனர். மூன்று கிலோ மீடேருக்கு ருபாய் 15 தான் மிகவும் குறைவான தொகை தான்.

காசியில் வசதி குறைவாக இருந்தாலும், காசிக்குப் போகவிரும்புவோர் ஏராளம். காசிக்கு சென்று திரும்புவதில் ஒரு சந்தோஷம். காசிக்கு சென்று திரும்பியவர்களை காண்பதும் புனிதமாக கருதப்படுகிறது. மற்றவர்களுக்கும் காசிக்கு செல்லவேண்டும் என்ற உந்துதலை வளர்க்கிறது.

கங்கைக்கரையில் மகான்களும் மகாராஜாக்களும் பக்தர்களும் பல தீர்த்தக்கட்டங்களை அமைத்திருக்கிறார்கள். பெரும்பாலும் அமைத்தவர் பெயரில் அழைக்கப்படுகிறது. கங்கைகரையை ஒட்டி பல ஆலயங்கள் உள்ளன. தங்குமிடம் கொண்ட வசதியான மடாலயங்களும் இலவசமாகவும் குறைந்த கட்டணத்திலும் அந்த அந்த வகுப்பாருக்கு முன்னுரிமை அளித்து வழ்ங்கப்படுகிறது.

மக்கள் வாழ்க்கையில் ஒரு முறையாவது காசி வந்து கங்கா ஸ்நானம் செய்து காசி விஸ்வநாதரை தரிசிக்க வேண்டும் என்று விரும்புகிறார்கள். எந்த ஒரு வசதியும் எதிர்பார்க்காமல் நாம் வாழ்கின்ற சூழ்நிலைக்கு எதிர்மாறான சூழ்நிலையிலும் நெரிசலில் இடிபட்டு மற்ற அசொவ்கர்யங்களை மறந்து கடவுளை தியானிப்பது ஒன்றே குறியாக கூட்டம் கூட்டமாக அலைமோதும் காட்சியை காண்பதே பெரும் புண்ணியம்.
மனபாரம், குடும்பக்கவலை, அலுவலகக் கவலை இன்றி நண்பர் உறவினர் எதிரிகள் நினைவின்றி அங்கு தங்கி இருக்கும் நாட்கள் நிஜமாகவே சொர்க்கம் தான்.
மோஷமளிக்கும் அருமையான ஷேத்திரம் வேறு எங்கும் இல்லை. காசி கட்டங்களில் பல் வேறு கட்டங்களில் நடை பெரும் அனுஷ்டிக்கப்படும் ஸ்நானம், ஜபம், தியானம், தானம், தவம் முதலியவை மிக்க மஹத்துவமானது என்றும் உடன் பலன் அளிக்கக்கூடியது என்று பல புராணங்களில் கூறப்பட்டுள்ளது.

காசி என்ற இரண்டு எழுத்துக்களுக்கான அர்த்தத்தைக் காதால் கேட்டு அனுசந்தானம் ஜபம் செய்பவர்களுக்கு மறுபடியும் கர்பபவாசமில்லை அதனால் பயமில்லை. ஆயிரக்கணக்கான ஆண்டுகளாக பலர் தனது அந்திம தசையில் காசியில் தனது சரீரத்தைவிட வேண்டி காசியில் வாசம் செய்கிறார்கள்.

மோஷாபுரி காசியில் பெரும்பான்மையான கட்டிடங்கள் செங்கற்களாலேயே கட்டப்பட்டுள்ளன. உத்திரப்பிரதேசம் மற்றும் அனைத்து மாநிலங்களிலும் பெரும்பான்மையாக செங்கற்களாலேயே கட்டப்பட்டுள்ளன. காரணம் புரியவில்லை? சிமெண்டின் அருமை புரியவில்லையா? அல்லது வறுமைக்கோட்டில் இருப்பதுதான் காரணமா? அப்படியென்றால் நான்கு அல்லது ஐந்து மாடி கட்டிடங்களும் இதேநிலமைதானே.

காசியில் மின்சாரம் பகலில் பதினைந்து நிமிடங்களுக்கு ஒரு முறை நின்று விடுகிறது. எப்போது வருமென்று தெரியவில்லை ஆனால் இரவில் மின்சாரம் நிற்பதில்லை மற்றும் மின்சாரம் குறைந்த மின்வலியளவு தான் வருகிறது. நல்லவேளை இரவில் நிறுத்துவதில்லை. தமிழ்நாடு எவ்வளவோ பரவாயில்லை. இதுபோன்று அடுத்த மாநிலங்களுக்கு சென்று வந்தால் தான் அதன் அருமை புரிகிறது.

தென்னகத்துக் கோயில்களை போல் கோயில்களின் பிரம்மாண்டத்தை பார்க்க இயலாது ஆனால் சில கோயில் தென்னகத்து கலை அம்சத்தை பிரதி பலிக்கிறது, விசாலட்சி கோயில் ஒரு எடுத்துக்காட்டு.

தென்னகத்தில் சிவன் சன்னதி முன்பு காணப்படும் பிரம்மாண்ட நந்தி இங்கு விஸ்வநாதர் சந்நிதியில் இல்லை. அதனால்தானோ என்னவோ காசி நகர் முழுவதும் நந்திகள் (பசுமாடுகள்) வலம் வருகின்றன.

சேதுவிலிருந்து இமயம் வரை வாழும் மக்கள் பலரது பல்வேறு பண்பாடுகள் சம்பிரதாயம் மேலும் பல்வேறு மொழி பேசும் மக்கள் வருகை புரிகின்றனர்.

இணைந்த பாரதத்தை இங்கு காணலாம். பாரதீய தேசிய ஒருமைப்பாட்டிற்கு முக்கிய அம்சம். காசி வெகு காலமாக தொடர்ந்து மகிமை வாய்ந்த சமஸ்கிருத மொழி போதிக்கப்படும் மையமாக இருந்து வருகிறது. காசி வாழ் வித்வான்களின் நிலையான கருத்தை நாட்டின் அணைத்து மக்களும் ஒப்புக்கொள்கின்றனர்.

காசி பாரதத்தின் வைணவ சைவ பௌத்த ஜைன மதங்களின் ஆன்மீக மையமாகவும் தேசியக்கலை கலாசார ஷேத்திரமகவும் திகழ்கிறது.

இங்கு சாமியார்கள் பைராகிகள் அஹோரிகள் என்ற தாந்தரீகர்கள் பாபாக்கள் சடை முடி தரித்த சாமியார்கள் என அனைவருக்கும் அன்னதான சத்திரங்களிலேயே உணவு வழ்ங்கப்படுகிறது பிட்ஷை/பிச்சை எடுக்கும் சாமியார்கள் யாரும் காசியில் இல்லை

எப்பொழுது அடுத்த பயணம் செல்லலாம்?

2009-10-12T00:14:00.004+05:30

மணிகர்ணிகா/அரிசசந்த்திரா காட்

மணிகர்ணிகா/அரிசசந்த்திரா காட் நம் கண்ணெதிரே வெகு அருகிலேயே சடலங்கள் அடுத்தடுத்து எரிக்கப்படுவதை காண்கிறோம் சுடுகாட்டின் அருகில் நிற்கிறோம் என்கின்ற அருவருப்போ அச்சமோ தீட்டு என்கின்ற என்னமோ இல்லை பிணம் எரிக்கப்படும் துர்நாற்றமும் இல்லை.

சடலத்தை கங்கையில் முக்கிவிட்டு ஈரம் சற்று வடிவதற்க்காக தரையில் கிடத்தி உற்றார் உறவினர் அமர்ந்திருக்க தீ மூட்டும் உரிமை உள்ளவர் மொட்டை அடித்துக்கொள்கிறார் தகனம் செய்பவர் தயார் என்று சொன்னவுடன் சடலம் மேடைக்கு எடுத்துச்செல்லப்பட்டு சதா எரிந்து கொண்டிருக்கும் அக்னியிலிருந்து தீ எடுத்து சவத்திற்கு மகன் அல்லது உரிமையுள்ளவராலோ தீ வைக்கப்படுகிறது சரீரம் ஒரு மணி நேரத்தில் பிடி சாம்பலாகி விடுகிறது அந்த சாம்பலை கங்கையில் கரைத்து விடுகிறார்கள்.

இத்தலத்தில் இறப்பவர்க்கு விஸ்வநாதர் தாரக மந்திரத்தை உபதேசித்து முக்தி அளிக்கின்றார் என்பது சாஸ்திரம்

மணிகர்ணிகாவில் ஸ்நானம் செய்பவர்கள் மகா சங்கல்பம், பிராயசித்தம், அனுக்ஜை, பலதானம், எல்லாம் செய்கின்றனர். சந்தியாவந்தனம் முதலியவற்றை முடித்துக் கொண்டு. சந்தர்ப்பனை செய்யும் வழக்கம் உள்ளது. சிலர் தான தர்மங்களும் செய்கிறார்கள்.

வபனம் செய்து கொண்டு நமது சரீரத்தை அங்கு விடுவதற்கு அடையாளமாக அணிந்திருந்த வேட்டியை அங்கேயே நதியில் விட்டு விடுகிறார்கள்.

மணிகர்ணிகை கரையில் செய்வது ஹிரண்ய சிரார்த்தம். தீர்த்தக் கரையில் ஹிரண்ய சிரார்த்தம் தான் செய்ய வேண்டும். அனுமான் காட்டில் உள்ள இல்லங்களில் செய்யப்படும் திதி அன்ன சிரார்த்தம்.

நீத்தார் கடன் செய்தோர் அருகிலுள்ள ஏதேனும் ஒரு ஓட்டலில் பணம் கொடுத்து அவர்கள் சக்திக்கேற்றவாறு ஒன்று முதல் நூறு பேர் வரை அன்னதானமளிக்க ஏற்ப்பாடு செய்கின்றனர். சாப்பாடு அல்லது டிபன் எது வேண்டுமானாலும் இருக்கலாம். அதனால் ஓட்டலிலும் இலவசமாக சாப்பிடலாம்.

காசிக்கு சென்று கங்கையில் நீராடினால் பாவங்கள் எல்லாம் தொலைந்து விடும் என்ற நம்பிக்கை காலம் காலமாக இருந்து வருகிறது.

அந்தக் காலத்தில் பணவசதி படைத்தவர்கள் வேதம் கற்றவர்கள் மட்டும் காசிக்கு தீர்த்த யாத்திரை சென்று அங்கேயே முக்தியும் அடைந்தனர். இறுதி காலத்தை அங்கேயே கழித்து காசியில் மரணமடைவதையும் பெறும் பேராக கருதினர்.

தற்போது அனைத்து தரப்பினரும் யாத்திரை புரிகின்றனர். புண்ணிய நதிகளில் ஸ்நானம் செய்து தோஷத்தில் இருந்து விடுபடுவதுடன் முன்னோர்களை வழிபாடு செய்யும் போது அவர்களின் ஆசியும் கிடைக்கிறது.

காசி விஸ்வநாதரை தரிசிப்பதற்கும் கங்கையில் குளிப்பதற்கும் நல்ல திடகாத்திரமான உடல் நிலை தேவை. ஒய்வு காலத்தில் செல்ல வேண்டிய இடங்கள் என்று ஒதுக்கி வைக்காமல் நல்ல ஆரோக்கியமாக இருக்கும்போதே தம்பதியராக காசி ராமேஸ்வரம் யாத்திரை சென்று வருவது நலம் பயிக்கும் என்பது என் தாழ்மையான கருத்து.

கங்கை அடைய உதவும் படிக்கட்டுகள் வழுக்குமாதலால் துணையின் கைபிடித்து செல்வது நல்லது.